ტყუპი დები, რომლებმაც ჯერ ერთმანეთი, შემდეგ მშობლები იპოვეს - რას ამბობს ტყუპისცალი „პრაიმტაიმთან“

დაახლოებით ერთი წლის წინ, სო­ცი­ა­ლურ ქსელ­ში, ჯგუფ­ში „ვე­ძებ“ გა­მოქ­ვეყ­ნდა პოს­ტი.

20 წლის ტყუ­პი დები, რომ­ლებ­მაც ჯერ ერ­თმა­ნე­თი იპო­ვეს, უკვე ბი­ო­ლო­გი­ურ მშობ­ლებს ეძებ­დნენ.

ისინი 20 წლის წინ სხვა­დას­ხვა ოჯახ­ში გა­აშ­ვი­ლეს.

ანო სარ­თა­ნია - თბი­ლის­ში გაშვილდა,ხოლო თა­მარ ხვი­ტია ზუგ­დიდ­ში.

აი რას ამბობს თამარ ხვიტია „პრაიმტაიმთან“.

„დედაჩემია ცინარა ჭურღულია, მამა თემურ ხვიტია. ჩემი დის ანოს დედაა ნინო სორდია და მამა გენა სართანია. მე ხვიტია ვარ, ჩემი და სართანიაა. წარბზე პირსინგი გავიკეთე, პირსერმა ჩემი ვიდეო ტიკ-ტოკზე დადო, ეს ვიდეო ანოს თავისმა მეგობარმა გაუგზავნა.

ანო მიხვდა და ჩემი ძებნა დაიწყო, მაგრამ არ მყავდა პირსერი დაფოლოვებული ამიტომ ვერ მიპოვა. შემდეგ ეს ვიდეო ჩააგდო კურსელების ჩათში, ხომ მიხდება პირსინგიო. ამ ჩათში ჩემი ერთ-ერთი მეგობარი იყო, ვინც გამყვა პირსინგზე და მიხვდა რომ ვიდეოში გოგო ანო არ იყო და ვიყავი მე, ანოს უთხრა და შემდეგ ერთმანეთი დავამატეთ და დავიწყეთ საუბარი და გარკვევა და ასე დაიწყო ყველაფერი",- გვითხრა თამარმა.

რაც შეეხება ბიოლოგიურ მშობ­ლე­ბს, მათი ძებ­ნა დებ­მა ერთი წლის შემ­დეგ და­ი­წყეს. წელს მარტში კი თა­მარ­მა და ანომ ბი­ო­ლო­გი­უ­რი მშობ­ლე­ბი იპო­ვეს.

ჯგუფ­ში „ვე­ძებ“ დე­ბის კი­დევ ერთი სტა­ტუ­სი გა­მოქ­ვეყ­ნდა-„ვიპოვეთ".

ზუგდიდში გაშვილებული თამარ ხვი­ტი­ა და­ო­ჯა­ხე­ბუ­ლია და იგი ახლა მე­უღ­ლეს­თან ერ­თად ცხოვ­რობს.

როგორც აღმოჩნდა ტყუპი დების ჩათვლით ხუთი დედ­მა­მიშ­ვი­ლი არიან.

„რო­გორც გვი­თხრეს, ბი­ო­ლო­გი­ურ­მა მა­მამ იცო­და, რომ მე ზუგ­დიდ­ში ვი­ყა­ვი გაშ­ვი­ლე­ბუ­ლი. ბი­ო­ლო­გი­უ­რი ოჯა­ხი კი ჩხო­რო­წყუ­ში ცხოვ­რობ­და. მამა ხში­რად ჩა­მო­დი­ო­და ზუგ­დიდ­ში, რომ შო­რი­დან და­ვე­ნა­ხე. დედა სა­ზღვარ­გა­რეთ არის და ახ­ლა­ხანს გა­ი­გო ყვე­ლა­ფე­რი. თუმ­ცა იცო­და, რომ შვი­ლე­ბი ცო­ცხა­ლი ჰყავ­და. სამ­წუ­ხა­როდ, მას მო­უ­წია ბავ­შვე­ბის და­ტო­ვე­ბა რა­ღაც მი­ზე­ზე­ბის გამო, უფრო მა­მის ბრა­ლი იყო ყვე­ლა­ფე­რი.

ჩემი უმ­ცრო­სი დაც ასევე უცხო­ეთ­შია დე­დას­თან ერ­თად. მე ჩემი ოჯახი მყავს.

მე­უღ­ლეს­თან ერ­თად ვცხოვ­რობ, ჩემი და ანო კი ოჯახ­თან ერ­თად ცხოვ­რობს.",-ამბობს თამარ ხვიტია.