ტყიბულის მინდელის შახტში მომხდარ აფეთქებაზე გამოძიების პირველადი შედეგები ცნობილია

ტყიბულის მინდელის სახელობის შახტში მომხდარი შემთხვევის შესახებ გამოძიების პირველადი შედეგები ცნობილია. როგორც კომპანის წარმომადგენლებმა განაცხადეს, ამ ეტაპისთვის ცნობილია, რომ აფეთქება გამოიწვია ტექნიკური უსაფრთხოების ნორმების დარღვევამ, როგორც სამუშაოების წარმოებისას, ასევე საგაზო დაცვის სამსახურის მხრიდან აფეთქების ნებართვის გაცემისას.

კომისიის წინასწარი მონაცემებით, დგინდება, რომ კონკრეტულ ლოკაციაზეგამორთული იყო განიავების ვენტილატორი,  ასევე, სამთო ოსტატის მიერ არ მოხდა მუშების უსაფრთხო ადგილზე გამოყვანა.

მომხდარზე გამოძიება გრძელდება და საბოლოო დასკვნა სავარაუდოდ თვის ბოლოს გახდება ცნობილი.