თელავსა და მიმდებარე სოფლებში სტიქიის სალიკვიდაციო სამუშაოები გვიანობამდე გაგრძელდა

თელავსა და მიმდებარე სოფლებში იქ, სადაც ძლიერმა ქარმა კორპუსებს და საცხოვრებელ სახლებს სახურავები გადახადა, სტიქიის სალიკვიდაციო სამუშაოები გვიანობამდე გაგრძელდა. პროცესში ჩართული იყო როგორც მერიის ყველა შესაბამისი სამსახური, ისე სახანძრო-სამაშველო ჯგუფები.

ვითარებას ადგილზე გაეცნო თელავის მერი. ლევან ანდრიაშვილის განცხადებით, სტიქიის დამთვლელი კომისიის მიერ ზარალის აღწერის შემდეგ განადგურებული ინფრასტრუქტურის აღდგენა დაუყოვნებლივ დაიწყება.