თავდაცვის მინისტრი მუხათგვერდის ძმათა სასაფლაოზე იმყოფებოდა, სადაც ომში გმირულად დაღუპული ჯარისკაცების ხსოვნას პატივი მიაგო

დღეიდან ბრწყინვალე შვიდეული დაიწყო. საქართველოს მართლმადიდებელი ეკლესია ბრწყინვალე შვიდეულის ორშაბათს საფლავთა კურთხევას აღნიშნავს. ამ დღეს მორწმუნეები მიცვალებულთა საფლავებზე გადიან, რათა უფლის აღდგომა მათაც ახარონ. თან მიაქვთ პასკა და წითელი კვერცხი.

დაღუპული გმირები გაიხსენეს მუხათგვერდის ძმათა სასაფლაოზე. მათ ხსოვნას პატივი თავდაცვის მინისტრმა მიაგო.

ბრწყინვალე შვიდეულის ორშაბათს მართლმადიდებლური სამყაროსთვის განსაკუთრებული დატვირთვა აქვს - ყოველ წელს ამ დროს ადამიანები მიცვალებულების საფლავზე იკრიბებიან, მიაქვთ წითელი კვერცხები, პასკა, რაც ამ დღესასწაულის ერთ-ერთი მთავარი სიმბოლოა.

რამდენიმე წუთის წინ, მუხათგვერდის ძმათა სასაფლაოზე იმყოფებოდა თავდაცვის მინისტრი ირაკლი ჩიქოვანი, რომელმაც პატივი მიაგო ომში გმირულად დაღუპული ჯარისკაცების ხსოვნას. დღესვე, მუხათგვერდის ძმათა სასაფლაოზე დილიდან იკრიბებიან გარდაცვლილი გმირების ოჯახის წევრები.

სპეციალურად ამ დღისთვის დაინიშნა გადაადგილების სხვადასხვა მარშრუტი, რომელსაც მგზავრები მუნიციპალიტეტი ტრანსპორტის საშუალებით სასაფლაომდე მოჰყავთ. მუხათგვერდის ძმათა სასაფლაომდე მოსასვლელი გზა შეზღუდული არ არის არც ავტოტრანსპორტისთვის.