„შენ არ გჭირდება არავისთან რამის ახსნა... მიყვარხარ და მეამაყები ყველგან“ - რას წერენ ქალზე, რომლის ვიდეოსაც სოციალურ ქსელში დიდი განხილვა მოჰყვა

ზიზი ჭელიძის ვიდეოს, სადაც ჩანს როგორ ეხმარება ახალგაზრდა ქალი ბავშვს, სოციალურ ქსელში დიდი განხილვა მოჰყვა. შექმნილ აჟიოტაჟს ზიზი ჭელიძის და მარიამ ჭელიძე ეხმაურება.

„ზიზი ეს არის ჩემი და, ადამიანი, რომელიც ასეთად დაიბადა და ასეთად გაზარდეს. ადამიანი რომელსაც მამა მთელი ცხოვრება სიკეთეს ასწავლიდა და როგორც საუკეთესო მამის შვილი, ვთვლი, რომ ღირსეულად აგრძელებს მის გზას. ასეთი ადამიანები იშვიათია ამ ქვეყნად, როგორიც მამა იყო და როგორიც ჩემი და არის.

უანგაროდ გასცემს ყოველთვის და ეს ჩვენ, ვინც გიცნობთ, ყველამ კარგად ვიცით. შენ არ გჭირდება არავისთან რამის ახსნა. ეს შენი ხასიათია, შენი ადამიანობა და ვინც ადამიანია, ამაში კარგის მეტს ვერაფერს უნდა ხედავდეს…

მიყვარხარ და მეამაყები ყველგან და ყოველთვის, საუკეთესო ხარ რაც კი მამას უჩუქებია ჩემთვის… ასეთია ადამიანის გუნება, კარგის მაგივრად ყოველთვის ცუდს ეძებენ თუმცა შენნაირი ადამიანისთვის ეს გასაკვირი არც უნდა იყოს, მთავარია შენი გულწრფელობა...

ვინც გიცნობთ, ყველამ კარგად ვიცით ეს არაფერია იმასთან, რასაც შენ აკეთებ, რაც ხალხში არ ჩანს. ეს უბრალოდ ის შემთხვევაა, როცა სიხარულის ცრემლები გინდოდა ხალხისთვის გაგეზიარებინა და არა ის, რომ შენი სიკეთით ვინმე გაგეკვირვებია. ასე რომ ხალხო იყავით სამართლიანები... სიკეთე გადამდებია....“, - წერს ზიზი ჭელიძის და.

ასევე დაგაინტერესებთ:

„თქვენი მომავალი გაცილებით ნათელი იქნება...“ - როგორია კვირის ასტროლოგიური პროგნოზი

ვინ არის ქალი, რომელიც ყოფილმა ქმარმა დაჭრა - საგარეჯოში მომხდარი ტრაგედიის დეტალები

ხვალიდან სამი დეკემბრის ჩათვლით ქვეყნის მასშტაბით ტემპერატურა მოიმატებს