შალვა პაპუაშვილმა თურქ კოლეგას მაღაროში მომხდარი აფეთქების გამო მიუსამძიმრა

პარლამენტის თავმჯდომარე შალვა პაპუაშვილი თურქ კოლეგას, მუსტაფა შენთოფს მიმართავს და ბართინის პროვინციაში მაღაროში მომხდარი აფეთქებისას დაღუპულთა ახლობლებს უსამძიმრებს.

„ძვირფასო მეგობარო და კოლეგავ, გთხოვთ მიიღოთ ჩემი გულწრფელი სამძიმარი ბართინის პროვინციაში დატრიალებული ტრაგედიის გამო. ვლოცულობ ამ უბედური შემთხვევის შედეგად გარდაცვლილთა ოჯახებისა და ახლობლებისთვის და სწრაფ გამოჯანმრთელებას ვუსურვებ დაშავებულებს“, - წერს პაპუაშვილი Twitter-ზე.

თურქეთის ჩრდილოეთით, ქალაქ ბართინთან მდებარე მაღაროში აფეთქება 14 ოქტომბერს მოხდა. ადგილობრივი მედიის ცნობით, აფეთქების შედეგად 40 ადამიანი დაიღუპა.