საკვები, რომელიც მაცივრის კარზე არ უნდა შეინახოთ

მაცივრის კარი კარგი საშუალებაა თქვენი საყვარელი საკვების შესანახად, რადგან ადვილად მისადგომია და ვიწრო თაროების წყალობით, ისინი ესთეტიურად შეიძლება იყოს ასახული. თუმცა, პრობლემა ის არის, რომ მაცივრის კარზე სწრაფად მალფუჭებადი საკვების შენახვამ შეიძლება გამოიწვიოს ადრეული გაფუჭება.

ექსპერტებმა დაასახელეს 5 პროდუქტი, რომელიც არ უნდა ინახებოდეს მაცივრის კარზე.

ხორცი (ფრინველის და ზღვის პროდუქტები)

„ეს პროდუქტები ყოველთვის უნდა ინახებოდეს მაცივრის ქვედა თაროზე. წვენის გაჟონვის შემთხვევაში,ის სხვა საკვებზე არ მოხვდება და არ გამოიწვევს ჯვარედინ დაბინძურებას. გარდა ამისა, მაცივრის კარში ტემპერატურის მერყეობამ შეიძლება გამოიწვიოს ამ პროდუქტებში ბაქტერიების უფრო ინტენსიური გამრავლება", - განმარტა გარგანომ.

რძე

"რძე უნდა ინახებოდეს შიდა თაროზე მაცივრის უკანა მხარეს. ეს არის მაცივრის ყველაზე ცივი ნაწილი, ამიტომ სასურველია რძე ამ ადგილას შეინახოთ“,- განმარტავს ექსპერტი.

იოგურტი

"მიუხედავად იმისა, რომ ბევრ მაცივარს აქვს მოსახერხებელი შესანახი ადგილები ისეთი საკვებისთვის, როგორიცაა კვერცხი, რძე, ყველი და იოგურტი, ექსპერტი გირჩევთ არ შეინახოთ ამ ადგილას მალფუჭებადი საკვები", - თქვა  დიეტოლოგმა.

ამის ნაცვლად, ექსპერტები გვირჩევენ დატოვოთ ეს ადგილი ჯემის, მდოგვისა და სხვა სოუსებისთვის, რომლებიც არ შეიცავს რძის პროდუქტებს.

კვერცხი

"კვერცხები უნდა ინახებოდეს თაროზე მუყაოს ყუთში. ყუთში შენახვა ხელს უწყობს ტენიანობის სწორი დონის შენარჩუნებას, ხოლო მაცივარში შენახვა ხელს უშლის ტემპერატურის რყევებს, რამაც შეიძლება გამოიწვიოს მათი ნაადრევად გაფუჭება", - დასძინა გარგანომ.

ღვინო

მიუხედავად იმისა, რომ სასმელები ჩვეულებრივ კარგად ინახება მაცივრის კარზე, ღვინო გამონაკლისია, განსაკუთრებით ღია ბოთლებში.