როგორია საგარეჯოში, სროლის შედეგად დაჭრილთა მდგომარეობა

კლინიკაში რჩებიან საგარეჯოში დაჭრილი პაციენტები. სამიდან ერთის ჯანმრთელობის მდგომარეობა შედარებით მძიმეა, ის ამ დრომდე მართვით სუნთქვაზეა. ქირურგიული ოპერაცია მას რამდენიმე დღის წინ ჩაუტარდა, ჭრილობები ცეცხლსასროლი იარაღით მუცლის და კიდურების არეში აქვს მიყენებული. ექიმების ინფორმაციით, ორი პაციენტის გაწერა უახლოეს დღეებში იგეგმება. არცერთი პაციენტის სიცოცხლეს საფრთხე არ ემუქრება.

ცნობისთვის, 19 იანვარს, საგარეჯოში შეიარაღებულმა პირმა საკუთარი სახლის აივნიდან ქუჩაში მყოფ ხალხს, ავტომატით ცეცხლი გაუხსნა. დაღუპულთაგან 4 კორპუსის ეზოში მყოფი ახალგაზრდაა, ერთი კი შემთხვევის ადგილზე მისული პოლიციელი, რომელიც საავადმყოფოში მიყვანისას გარდაიცვალა.

თავდამსხმელმა სიცოცხლე თვითმკვლელობით დაასრულა. პირი, რომელიც საგარეჯოს ცენტრში ისროდა, 48 წლის ნოდარ ათუაშვილი იყო.

ყოფილი სამხედრო, თავდაცვის სამინისტროში 2006-2021 წლებში მუშაობდა. მონაწილეობდა ავღანეთის მისიაშიც.