როგორი ამინდია მოსალოდნელი თვის ბოლომდე - სინოპტიკოსების პროგნოზი

სინოპტიკოსების პროგნოზით, ივნისის ბოლო დღეებში საქართველოში ამინდი შედარებით თბილი და უმეტესად მზიანი იქნება. განსაკუთრებით აღმოსავლეთ საქართველოში, მათ შორის თბილისში, ჰაერის ტემპერატურა ეტაპობრივად მოიმატებს და დღის საათებში +28, +33 გრადუსის ფარგლებში დაფიქსირდება. ზოგიერთ დღეს მოსალოდნელია ხანმოკლე წვიმა და ელჭექი, თუმცა ხანგრძლივი ნალექები ნაკლებად სავარაუდოა.

თბილისში თვის ბოლომდე დღის მაქსიმალური ტემპერატურა ძირითადად +28, +33 გრადუსს შორის იქნება, ხოლო ღამით +16 +20 გრადუსამდე დაეცემა. 

დასავლეთ საქართველოში შედარებით მეტი ღრუბლიანობა და  ნალექებია მოსალოდნელი, თუმცა ჰაერის ტემპერატურა სეზონისთვის დამახასიათებელ ნიშნულზე შენარჩუნდება. 

მეტეოროლოგების შეფასებით, თვის დასრულებასთან ერთად საქართველოში ზაფხულის უფრო სტაბილური და ცხელი ამინდი დამყარდება, ხოლო ივლისის დასაწყისში ტემპერატურის კიდევ უფრო მატებაა მოსალოდნელი.