გიგა მაქარაშვილი

რა ემოციები ჰქონდა უკრაინელ ბაბუს, როდესაც ყირიმის აფეთქების კადრები ანახეს - გიგა მაქარაშვილი ემოციურ ისტორიას გვიზიარებს 

უკრაინაში მყოფი გიგა მაქარაშვილი კიევიდან მორიგ ამბავს გვიზიარებს. ამჯერად, იგი ყვება, რა რეაქცია ჰქონდა უკრაინელ ბაბუს, როდესაც ყირიმის ამბები გაიგო.

„ყირიმის აფეთქების კადრები თუ შეგიძლია მანახოო, გვერდით მომიჯდა, თუ კი რამ ვიდეო იყო ალბათ ყველა ვაჩვენე, ზოგი რამდენჯერმე. ტელეფონი ყურთან მიიტანა, უნდა მივხვდე რა ფეთქდებაო.

ეგეთი არაფერი მინახავს, ვერაფრით მივხვდი რა ემოციები დასდიოდა სხეულში. გაურკვეველ სიტყვებს იძახდა.. ორივე ხელი უკანკალებდა.. ბოლოს, ჩემი შვილიშვილი ქართველებთან ერთად იბრძვისო.
დიაკუიუ სინოკ მითხრა და წავიდა.

ანატოლი სიოდორჩუკი. 82 წლის. კიევი. 2022”, – წერს მაქარაშვილი.

ცნობისთვის, გუშინ ყირიმში, ნოვოფედორივკაში ძლიერი აფეთქება მოხდა. აფეთქება რუსეთის საჰაერო ძალების საკის ავიაბაზაზე მოხდა, რომელიც უახლესი ფრონტის ხაზიდან 200 კმ-ზეა განთავსებული.  ბაზაზე განლაგებულია Su-24,Su-25, su-30-ის ტიპის საბრძოლო თვითმფრინავები. 

მთავარი სიახლეები