რა არის სამომხმარებლო სესხი

თანამედროვე ადამიანის თითოეული დღე სხვადასხვა საჭიროებებისგან შედგება, რაც მოიაზრებს უამრავ გამოწვევასა და პრობლემას. დღის განმავლობაში მნიშვნელოვანია ასეთ დეტალებს შესაბამისი დრო დავუთმოთ და დროულად მოვაგვაროთ. როგორც წესი, ხშირად ეს ნაწილი ფინანსურ რესურსებთან ასოცირდება, რომელიც შეიძლება კონკრეტულ მომენტში არ მოგვეპოვებოდეს, ამიტომ საჭირო ხდება მოვძებნოთ სხვადასხვა ალტერნატივები. ასეთ დროს, როდესაც კონკრეტულ მომენტში თანხა პირადი მოხმარებისთვის გვჭირდება, საუკეთესო ვარიანტი სამომხმარებლო სესხით სარგებლობაა, რომელიც თავისი მიზნობრიობით ძალიან ზოგადია, შესაბამისად კრედიტის აღებისას ხშირად არ არის სავალდებულო მისი გამოყენების მითითება, რაც საკმაოდ კომფორტულს და მიმზიდველს ხდის მას. მიზნობრივი სესხისგან განსხვავებით, სადაც უშუალოდ კრედიტორი აკონტროლებს თანხას როგორ და სად გახარჯავთ, ამ შემთხვევაში ასეთი პროცესისგან სრულიად ხართ თავისუფალი. 

სამომხმარებლო სესხი სხვა ტიპის სესხებისგან განსხვავებით ყველაზე გავრცელებული კრედიტია, რომელიც შეიძლება იყოს მოკლე ან საშუალო ვადიანი. მისი სარგებლობის დროს, დაფარვის პერიოდი ნაწილდება მინიმუმ რამდენიმე თვეზე ან მაქსიმუმ რამდენიმე წელზე. აღნიშნული ტიპის სესხი ხშირად უზრუნველყოფის გარეშე გაიცემა, სხვა შემთხვევაში კი შესაძლებელია ნებისმიერი ტიპის უზრუნველყოფა იყო გამოყენებული. საბოლოო ჯამში, ეს არის ის სესხი, რომელიც შეგიძლიათ აიღოთ ნებისმიერი მიზნით სწრაფად და მარტივად, რომლის პირობებიც მიმზიდველია ნებისმიერი ადამიანისთვის.

სამომხმარებლო სესხის მიღების პროცედურა მარტივია, თავდაპირველად უნდა შეავსოთ განაცხადი, რომელიც შეგიძლიათ განახორციელოთ როგორც ონლაინ ბანკისა თუ საკრედიტო ორგანიზაციის ვებ გვერდზე, ასევე ფილიალში ვიზით. განაცხადის დამტკიცება ძალიან მალე, ოცდაათ წუთშია შესაძლებელი. სესხის პირობები მაქსიმალურად მორგებულია მომხმარებელზე, გადახდის გრაფიკი კი საკმაოდ მოქნილია. სამომხმარებლო სესხი გაიცემა სრულწლოვან ადამიანებზე, ვისაც უკვე შეუსრულდა 18 და მეტი წელი. როგორც წესი, სესხის საპროცენტო განაკვეთი ან სხვა დეტალები სხვადასხვა კომპანიაში განსხვავდებოდა, ამიტომ მისი აღებამდე განიხილეთ ყველა შესაძლო ვარიანტი, შეადარეთ ერთმანეთს და აირჩიეთ ყველაზე მიმზიდველი ალტერნატივა. ასევე გაითვალისწინეთ, სესხის მიღებისთვის საჭიროა გქონდეთ დამტკიცებული მუდმივი შემოსავალი, რათა თანხის ეტაპობრივად და დროულად დაბრუნება შეძლოთ.

სამომხმარებლო სესხის დამტკიცება მარტივად ხდება, რომლის დროსაც განსაკუთრებული ყურადღება მიაქციეთ გადახდის გრაფიკს. ამის მიხედვით სამომხმარებლო სესხის სულ ორი ტიპი არსებობს - სესხი წინასწარ გაწერილი გადახდის გრაფიკით და სესხი განახლებადი ლიმიტით. პირველი ტიპის სესხის დამტკიცებისას, განაცხადის შევსების დროს უნდა აირჩიოთ ყოველთვიური გადახდის დღე, კონკრეტული პერიოდის შემდეგ, როდესაც სრულად დაფარავთ კრედიტს, არავითარი დამატებითი პროცესი დაგაკავშირებთ მსესხებელთან. განახლებადი ლიმიტის ანუ რევოლვირებადი სესხი კი საშუალებას გაძლევთ მარტივად მიიღოთ თანხა დამტკიცებული ლიმიტის ფარგლებში, ხოლო მისი დაფარვის შემდეგ საშუალება გექნებათ ისევ აიღოთ სესხი დამატებით განაცხადის შევსების გარეშე. ასეთი ტიპის სესხი ხშირად ავტომატური გადახდით ხასიათდება, როდესაც ხელფასიდან ავტომატურად გეჭრებათ საჭირო რაოდენობის თანხა ეტაპობრივად. ასეთი სესხის მაგალითს წარმოადგენს ოვერდრაფტი, რომლის უპირატესობა სწორედ ისაა, რომ ერთხელ აღებული თანხის შემდეგ დამატებით ბიუროკრატიული პროცესები არ გიწევთ და თანხის მიღება საჭირო დროს კიდევ უფრო მარტივად შეგიძლიათ.