ქუჩები, როლებსაც წყლის მიწოდება შეუწყდებათ - GWP-ის სპეციალური განცხადება

გლდანის რაიონში, II მიკრორაიონის N39 კორპუსის მიმდებარედ „ჯივიპის“ ტექნიკური ჯგუფები წყალმომარაგების ქსელზე დაზიანების აღსადგენად გადაუდებელ სამუშაოებს ატარებენ.

„ჯივიპის“ ინფორმაციით, ქსელის დაზიანებულ მონაკვეთზე რთული ტექნიკურ-აღდგენითი სამუშაოები ინტენსიურ რეჟიმში მიმდინარეობს.

„აღნიშულთან დაკავშირებით, აუცილებელია მაგისტრალური ქსელის წყლისგან დაცლა, რის გამოც 16 იანვარს 14:00 საათიდან 17 იანვრის ღამის 02:00 საათამდე წყალმომარაგება შეუწყდება:

გლდანის რაიონში: გლდანის I-IV მ/რ-ებს, გლდანის „ა“ მ/რ-ს, თემქის IV მ/რ-ს, ხიზაბავრის 1 შესახვევს, ბოჭორიშვილის და მიმდებარე ქუჩებს; ჯანჯღავას, კაჭარავას, მეგობრობის, ანდრონიკაშვილის ჭრებალოს, ხეჩუაშვილის, ყუშიტაშვილის, უწერის, 9 ძმა ხერულიძის, 26 მაისის და გმირი კურსანტების ქუჩებს; ლიბანის ქუჩის ნაწილს, თიანეთის გზის ქუჩებს.

„ჯორჯიან უოთერ ენდ ფაუერი“ მომხმარებელს დისკომფორტისთვის ბოდიშს უხდის.

წყალმომარაგების შეზღუდვისა და აღდგენის შესახებ ინფორმაციას „ჯორჯიან უოთერ ენდ ფაუერი“ აბონენტებს წინასწარ, SMS-შეტყობინების სახით მიაწოდებს. დეტალური ინფორმაციის მოძიება შესაძლებელია კომპანიის ცხელი ხაზის - 2 93 11 11, ფეისბუქისა და ვებგვერდის მეშვეობით - www.gwp.ge“, -ნათქვამია კომპანიის მიერ გავრცელებულ ინფორმაციაში