PHOTO: ნახეთ რა ფოტო გამოაქვეყნა თენგიზ ცერცვაძემ ამირან გამყრელიძის თანამდებობიდან წასვლის შემდეგ

გამყრელიძე ცერცვაძე

„დიდი მადლობა ამირან გამყრელიძეს ყველაფრისთვის და საუკეთესო სურვილები მომავლისთვის“ – ამის შესახებ თბილისის ინფექციური საავადმყოფოს ხელმძღვანელი თენგიზ ცერცვაძე სოციალურ ქსელში წერს.

ცერცვაძე აღნიშნავს, რომ ამირან გამყრელიძე არის საქართველოს თანამედროვე ჯანდაცვის სისტემის ერთ-ერთი მთავარი არქიტექტორი.

„ის არის დიდი პროფესიონალი და გლობალურად მოაზროვნე, საერთაშორისო აღიარების მქონე პიროვნება. ამირანი არის საქართველოს თანამედროვე ჯანდაცვის სისტემის ერთ-ერთი მთავარი არქიტექტორი. მის სახელს უკავშირდება ყველაზე წარმატებული ჯანდაცვითი პროექტები და ინიციატივები. ის თავის შესანიშნავ მეუღლესთან ერთად არის დიდი და ტრადიციული ქართული ოჯახის ბურჯი. ბედნიერი ვარ, რომ მასთან მაკავშირებს ახალგაზრდობის დროინდელი დიდი მეგობრობა. დიდი მადლობა ამირან ყველაფრისთვის და საუკეთესო სურვილები მომავლისთვის!“ – წერს თენგიზ ცერცვაძე „ფეისბუქში“ და ფოტოს აქვეყნებს.