„მა­ში­ნაც წყალ­ში დე­ნის არ­სე­ბო­ბით სამი არაჩ­ვე­უ­ლებ­რი­ვი ბიჭი გარ­და­იც­ვა­ლა, ჩემი სკო­ლე­ლე­ბი, ისი­ნიც 55-ელე­ბი...“ - რა მოხდა 80-იან წლებში თბილისში

13 ოქტომბერს ვაკის პარკში დატრიალებულმა ტრაგედიამ თბილისელებს 80-იანი წლების ამბავი გაახსენა, რომელიც თბილისის ზღვაზე მოხდა. შემთხვევას 18 წლის სამი ახალგაზრდა შეეწირა. ამბავს სოციალურ ქსელში ერთ-ერთი მომხმარებელი მარიამ გელაშვილი გვიყვება: 

„ამ სა­ში­ნე­ლე­ბამ, რაც მოხ­და, ყვე­ლას 1984 წელს თბი­ლი­სის ზღვა­ზე დატ­რი­ა­ლე­ბუ­ლი ტრა­გე­დია გაგ­ვახ­სე­ნა. მა­ში­ნაც წყალ­ში დე­ნის არ­სე­ბო­ბით სამი არაჩ­ვე­უ­ლებ­რი­ვი ბიჭი გარ­და­იც­ვა­ლა, ჩემი სკო­ლე­ლე­ბი, ისი­ნიც 55-ელე­ბია, ჩემი პა­რა­ლე­ლუ­რი კლა­სე­ლი კახა ჩხა­ი­ძე, მისი ძმა გო­გი­ტა და გოგ­ლი­კა ჩო­გო­ვა­ძე. ერ­თმა­ნე­თის საშ­ვე­ლად ხტე­ბოდ­ნენ იახ­ტი­დან წყალ­ში და… 19-20 წლის ბი­ჭე­ბი ვი­ღა­ცის უპა­სუ­ხის­მგებ­ლო­ბას შე­ე­წირ­ნენ... არც მახ­სოვს, მა­შინ ვინ­მე თუ და­ი­სა­ჯა. ალ­ბათ არა, თო­რემ გა­მახ­სენ­დე­ბო­და, არ ვიცი…

ახ­ლაც გა­მი­ახ­ლდა ის სა­ში­ნე­ლი გან­ცდა და სუ­ლის შემ­ხუ­თა­ვი ტკი­ვი­ლი… ან­გე­ლო­ზი­ვით ბავ­შვი… ღმერ­თო ჩემო... მთე­ლი ჩემი ბავ­შვო­ბის მო­გო­ნე­ბე­ბით სავ­სე ვა­კის პარკში ასე მგო­ნია, ვე­ღა­რა­სო­დეს შე­ვალ… არა­და, სულ ცოტა ხნის წინ ვი­ყა­ვი ნუ­ცას­თან, ჩემს შვი­ლიშ­ვილ­თან ერ­თად, რო­გორ მო­მე­წო­ნა, ერთი სული მქონ­და ბო­ლომ­დე რო­დის დამ­თავ­რდე­ბო­და… ეს რამ­ხე­ლა ტრა­გე­დია დატ­რი­ალ­და,“ - წერს მომხმარებელი. 

ცნობისთვის, ვაკის პარკში მომხდარ ტრაგედიას 13 წლის მარიტა მეფარიშვილი ემსხვერპლა. ბავშვებს შადრევანში ბურთი ჩაუვარდათ, ამოღების დროს კი, მათ დენმა დაარტყა.

მარიტას დღეს დაკრძალავენ. დილიდან სამოქალაქო პანაშვიდი ვაკის სამებაში იმართება. მანამდე კი, მარიტას სახელზე მიტანილი ყვავილები და სანთლები ვაკის პარკში ტრაგედიის ადგილას დარჩება.