კულტურის სამინისტრო მხატვრისა და პედაგოგის, თამაზ ხუციშვილის გარდაცვალების გამო მწუხარებას გამოთქვამს

საქართველოს კულტურის სამინისტრო მხატვრისა და პედაგოგის, თამაზ ხუციშვილის გარდაცვალების გამო მწუხარებას გამოთქვამს.

კულტურის სამინისტრო სამძიმარს უცხადებს ოჯახსა და ახლობლებს.

„მწუხარებას გამოვთქვამთ სახელგანთქმული მხატვრისა და პედაგოგის, თამაზ ხუციშვილის გარდაცვალების გამო.

ბატონი თამაზის მრავალფეროვანი შემოქმედება აღიარებულია მთელ მსოფლიოში. ის იყო ფერწერის ნამდვილი დიდოსტატი და ახალგაზრდა ხელოვანების არაერთი თაობის გზის გამკვალავი.

სამძიმარს ვუცხადებთ ბატონი თამაზის ოჯახს, მეგობრებსა და კოლეგებს“, – აღნიშნულია კულტურის სამინისტროს სამძიმრის წერილში.