კარს ვაღებდი და მცემდნენ, ჩემსავე სტუდიაში, ათი ერთზე, ფიქრებით „აღარ შემიძლია“, „აღარ მინდა"... - გიორგი გვარჯალაძე

ხმის რეჟისორი, Lenø Records-ის დამფუძნებელი გიორგი გვარჯალაძე ხმის ჩამწერი სტუდიის დაარსებასა და რთულ გამოვლილ გზებზე საუბრობს. 

როგორც რეჟისორი ამბობს, სტუდიის დაარსებიდან უკვე 3 წელი გავიდა. 

„Lenø Records 3 წლისაა! ზედმეტად ემოციური და მტკივნეული იყო თითოეული წინსვლა, თითოეული მარცხი. ჩუმად ცრემლის მოწმენდით და ყელში გაჩხერილი ბურთის გადაყლაპვით გაკეთდა თითოეული ჩანაწერი.

ფიქრებით "აღარ შემიძლია", "აღარ მინდა", უსასრულო საათები გავატარე მარტომ სტუდიაში თავ-სახე დაბუჟებულმა სასოწარკვეთაში, მაგრამ მაინც ვპასუხობდი ტელეფონს, მაინც ვაღებდი კარს, მაინც ვამბობდი კი-ს,

თუმცა თითოეული აქედან, დიდი რისკი იყო უსამართლობის, გაწბილების, წელში გატეხვის. მირეკავდნენ და მითანხმებდნენ წარწერა Lenø-ს მოშორებას. კარს ვაღებდი და მცემდნენ, ჩემსავე სტუდიაში, ათი ერთზე. კი ვთქვი და უსამართლო "გადაგდების" და "პონტიდან მოტეხვის" მსხვერპლი გავხდი.

მიუხედავად ამისა მაინც არ გავჩერდი და ვამაყობ, რომ ლენო უსასრულო რაოდენობის მუსიკოსის სახლს ქვია.

რომ უხარიათ - ლენოში მოდიან.

რომ უმძიმთ - ლენოში მოდიან.

დაკვრა და ჩაწერა თუ უნდათ, ხომ თავისთავად...

დაბადების დღე, ჯვრისწერა, ქელეხიც კი იყო ლენოში. "შენ დაგეძებ დილაა თუ ბინდია"-ც იყო. და, რაც მთავარია, ყველა ჟანრის მუსიკა  დიდი მადლობა ყველას, ვინც დაუკრა და იმღერა ლენოში!

დიდი მადლობა ყველას, ვინც გვერდში უდგას და ანვითარებს ლენო რექორდსს, როგორც საკუთარ სახლს!

დიდი მადლობა ყველას, ვინც გამოსცა მუსიკა ლენო რექორდსზე!

მადლობა ზრუნვისთვის! მადლობა სიყვარულისთვის! და მადლობა ლენოს, რომ ჩვენ აღარ ვოცნებობთ საზღვარგარეთ ჩაწერაზე“, - წერს გიორგი გვარჯალაძე სოციალურ ქსელში.

ასევე დაგაინტერესებთ:

👉 VIDEO: ნახეთ, გიორგი ნაზღაიძის რეაქცია, როცა გაიგო, რომ „პრაიმ ჰაუსში“ ანი ყიფშიძე დარჩა

👉 „კატო გაქრისტიანდა“ - რა ფოტოებს აქვეყნებს რუსკა მაყაშვილი

👉 მას ინტერპოლთან ერთად სიცილიური მაფიაც ეძებდა – ტრაგედია, რომელმაც ბედნიერებაზე მომღერალი წყვილი დააშორა

👉 „მე და ჩემი შვილები ქმარმა ცისფერი თვალების ქონის გამო მიგვატოვა“ – ნიგერიაში მცხოვრები რისიკატის ისტორია

👉 შემთხვევა, როდესაც ცოლ-ქმარმა გაყრის შემდეგ ხელახლა იქორწინა - ასლან აბაშიძის ვაჟის ოჯახის ისტორია