„კარგი ადამიანი დავკარგეთ“ - კონსტანტინე ზარნაძე ილია ელოშვილის ოჯახს სამძიმარს უცხადებს

გლდანის მაჟორიტარი კონსტანტინე ზარნაძე ილია ელოშვილის ოჯახს სამძიმარს უცხადებს. 

„ვიზიარებ ოჯახის მწუხარებას კარგი ადამიანი დავკარგეთ“, - წერს ზარნაძე სოციალურ ქსელში. 

თბილისის მერის მოადგილის, ილია ელოშვილის საცხოვრებელ სახლში საგამოძიებო მოქმედებები მიმდინარეობს.

ადგილზე კინოლოგები და ექსპერტ-კრიმინალისტები მუშაობენ. ცხედარი ექსპერტიზაზე ჯერჯერობით არ გადაუსვენებიათ.

შეგახსენებთ, რომ თბილისის მერის მოადგილე ილია ელოშვილი საკუთარ სახლში გარდაცვლილი იპოვეს. შსს-მ გამოძიება თვითმკვლელობამდე მიყვანის მუხლით დაიწყო.

ილია ელოშვილი თბილისის მერის მოადგილის თანამდებობას 2017 წლიდან იკავებდა.

2012-2016 წლებში იყო საქართველოს ენერგეტიკის მინისტრის მოადგილე, 2017 წელს კი საქართველოს ენერგეტიკის მინისტრის თანამდებობას იკავებდა. მანამდე, სხვადასხვა წლებში მუშაობდა კერძო სექტორში ხელმძღვანელ თანამდებობებზე, ასევე „ათასწლეულის გამოწვევის“ ფონდისა და USAID-ის პროექტებში.