„ის იმავე საკანში იხდიდა სასჯელს უმიდის მამასთან ერთად, ვისი შვილიც მოგვიანებით მისმა ხელმა იმსხვერპლა… “ - სამირა ბაირამოვა

ჟურნალისტი სამირა ბაირამოვა სოციალურ ქსელში პოსტს ავრცელებს.

„სასტიკი ირონიაა, რომ ის იმავე საკანში იხდიდა სასჯელს 20 წლის ბიჭის მამასთან ერთად, ვისი შვილიც მოგვიანებით მისმა ხელმა იმსხვერპლა. ადგილობრივები ამბობენ, რომ ციხეში ყოფნისას გარდაცვლილი 20 წლის უმიდის მამა მკვლელს როგორც საკუთარ შვილს ისე ექცეოდა აჭმევდა, ეფერებოდა, ადამიანურად უდგებოდა… ისტორია, რომელიც განსაკუთრებით მძიმედ ტოვებს კვალს იქ, სადაც სიკეთე იყო, ტრაგედია დაიბადა“, – წერს სამირა ბაირამოვა.

მკვლელობა მარნეულში 3 დღის წინ მოხდა. ახალგაზრდა მამაკაცს ყელის არეში ცივი იარაღით ჭრილობა მიაყენეს. მამაკაცი საავადმყოფოში მიყვანისთანავე გარდაიცვალა.