VIDEO: „დილით წყლის მიღება მშვენიერია, მაგრამ ბევრი ამას არასწორად აკეთებს“ - გიორგი ღოღობერიძის რჩევა

ექიმი გიორგი ღოღობერიძე სოციალურ ქსელში მორიგ სასარგებლო რჩევას გვიზიარებს, რომელიც დილი წყლის სწორად მიღებას ეხება.

„ზოგიერთ ადამიანს ჩვევა აქვს, გაიღვიძებს და ეგრევე სვამს ერთ ჭიქა წყალს. ეს მშვენიერია, მაგრამ ბევრი ამას აკეთებს არასწორად. წყლის მიღება კარგია დილით, რადგან ჩვენი ორგანიზმი მთელი ღამე წყალს კარგავდა სუნთქვის და ოფლის ხარჯზე. ამიტომ გამომშრალი ხართ. პირის ღრუდან იკარგება სითხე და შედეგად მასში ბაქტერიები მრავლდებიან.

ყველაზე მეტი ბაქტერია ჩვენს პირის ღრუში არის დილით. თქვენ როდესაც დილით ჭიქა წყალს დალევთ, ეს ბაქტერიები თქვენს ორგანიზმში მოხვდებიან. ეს რა თქმა უნდა თქვენს სიკვდილს არ გამოიწვევს, მაგრამ სასურველი ნამდვილად არ არის. კარგი იქნება თუ ამას სწორად გააკეთებთ. სანამ დილით წყალს დალევთ პირის ღრუ კარგად გამოირეცხეთ. ასევე კარგი იქნება თუ ჯერ კბილებს გამოიხეხავთ და წყალს შემდეგ დალევთ“, – ამბობს გიორგი ღოღობერიძე.