გილოცავთ ნოვრუზ ბაირამს - სიცოცხლის, განახლების, გაზაფხულის, ბუნების გამოღვიძების მშვენიერ დღესასწაულს! - კალაძე

თბილისის მერი კახა კალაძე მოქალაქეებს ნოვრუზ ბაირამის დღესასწაულს ულოცავს.

„გილოცავთ ნოვრუზ ბაირამს - სიცოცხლის, განახლების, გაზაფხულის, ბუნების გამოღვიძების მშვენიერ დღესასწაულს!

ეს დღე არა მხოლოდ ეთნიკურ აზერბაიჯანელებს, არამედ ყველა იმ ადამიანს ეკუთვნის, ვინც ეთნიკურ და კულტურულ მრავალფეროვნებას აფასებს. თბილისი ხომ სწორედ ასეთი ქალაქია - ხალიჩასავით ჭრელი, მდიდარი თავისი მრავალფეროვნებით და სწორედ ამით უნიკალური. ჩემო მეგობრებო, თანამოქალაქენო და თანამემამულენო, გილოცავთ ამ სახალხო დღესასწაულს! მშვიდობას და კეთილდღეობას გისურვებთ!“, - აცხადებს კალაძე.