ექიმმა კუჭის ხშირი ტკივილის გამომწვევი უცნობი მიზეზი დაასახელა

ქირურგი რანგარაჯანი: ხშირი წახემსება შეიძლება შებერილობის და მუცლის ტკივილის მიზეზი გახდეს.

კუჭის ტკივილი შეიძლება გამოწვეული იყოს ხშირი წახემსებით, განაცხადა ქირურგმა კარან რანგარაჯანმა. მან Daily Mirror-ს მუცლის დისკომფორტის გამომწვევი უცნობი მიზეზი გაუმხილა.

ექიმმა თქვა, რომ საჭმლის მომნელებელ ტრაქტს აქვს საკუთარი სისტემა საკვების ნარჩენებისა და ბაქტერიებისგან გასაწმენდად, რომელსაც „მიგრირებადი მოტორული კომპლექსი“ ეწოდება. მისი თქმით, ეს საჭმლის მონელების ძალიან მნიშვნელოვანი ნაწილია, რადგან ის ხელს უშლის პათოგენური მიკროფლორის ზრდას და ამით იცავს შებერილობისა და დისკომფორტისგან.

ქირურგმა აღნიშნა, რომ გაწმენდის პროცესი ყველაზე აქტიურია, როდესაც ადამიანი არ ჭამს და შენელებულია კვების დროს. „ხშირი წახემსება იწვევს მუდმივ სტიმულაციას, რაც ხელს უშლის ნაწლავების გაწმენდას. შედეგად, ის იბლოკება დაგროვილი მოუნელებელი საკვების ნაწილაკებისა და ბაქტერიების გამო. ეს იწვევს ბაქტერიულ დუღილს და კიდევ უფრო მეტ შებერილობას“, - განმარტა ექიმმა.

მისი თქმით, წახემსებაზე უარის თქმა დაგეხმარებათ მუცლის ტკივილისგან თავის დაღწევაში. თუმცა, ის გვაფრთხილებს, რომ ეს საშუალება უნივერსალური არ არის, რადგან დისკომფორტი შეიძლება განვითარდეს მრავალი სხვა მიზეზის გამო.

ჭამე და არ მოიმატო წონაში: 3 დაბალკალორიული სასუსნავი

სასუსნავით წახემსება არა მხოლოდ ძირითად კვებას შორის შიმშილის დაკმაყოფილების საშუალებაა, არამედ ენერგიის დონის შენარჩუნების შესაძლებლობაც, ორგანიზმის ზედმეტი კალორიებით გადატვირთვის გარეშე. მთავარია, აირჩიოთ სწორი საკვები, რომელიც დაანაყრებს ორგანიზმს, უზრუნველყოფს სასარგებლო საკვები ნივთიერებებით, მაგრამ არ შეუწყობს ხელს წონის მატებას.

სამი შესანიშნავი დაბალკალორიული სასუსნავი, რომელთა მირთმევაც შეგიძლიათ ფიგურის დაზიანების გარეშე.

1. ბერძნული იოგურტი კენკრით და თხილით

ბერძნული იოგურტი ერთ-ერთი საუკეთესო სასუსნავია. ის მდიდარია ცილებით, რაც ხელს უწყობს დანაყრების გრძნობის დიდხანს შენარჩუნებას, აუმჯობესებს მეტაბოლიზმს და ინარჩუნებს კუნთოვან მასას. კენკრასთან და თხილთან შერწყმისას ის არა მხოლოდ ჯანსაღი, არამედ გემრიელიც ხდება.

რა დაგჭირდებათ:

150 გ ნატურალური ბერძნული იოგურტი (უშაქრო)

50 გ ახალი ან გაყინული კენკრა (მარწყვი, მოცვი, ჟოლო)

5-7 თხილი (ნუში, ნიგოზი, კეშიუ)

მომზადების წესი:

იოგურტი მოათავსეთ თასში.

დაამატეთ კენკრა და თხილი.

სურვილისამებრ, შეგიძლიათ ოდნავ დაატკბოთ თაფლით ან დაამატოთ დარიჩინი არომატისთვის.

რატომ არის ის ჯანსაღი?

იოგურტი შეიცავს პრობიოტიკებს, რომლებიც სასარგებლოა ნაწლავებისთვის.

კენკრა მდიდარია ანტიოქსიდანტებით, რომლებიც იცავს უჯრედებს.

თხილი უზრუნველყოფს ჯანსაღი ცხიმების მიღებას, რომლებიც ხელს უწყობენ ტვინის ფუნქციონირებას.

ასეთი საჭმლის კალორიულობა დაახლოებით 180-200 კკალ-ია, მაგრამ მისი მიღების შემდეგ დანაყრების შეგრძნება რამდენიმე საათის განმავლობაში გაგრძელდება.

2. ხრაშუნა ბოსტნეული ჰუმუსით

თუ გსურთ რაიმე ხრაშუნა და მარილიანი, ჩიფსების ან კრუტონების ნაცვლად, სცადეთ ჯანსაღი ვარიანტი - ბოსტნეული ჰუმუსით.

რა დაგჭირდებათ:

1 სტაფილო

1 კიტრი

1 ბულგარული წიწაკა

2 ს.კ. ჰუმუსი

როგორ მოვამზადოთ:

დაჭერით ბოსტნეული გრძელ ზოლებად.

მიირთვით ჰუმუსთან, როგორც სოუსთან ერთად,

რატომ არის ის ჯანსაღი?

ბოსტნეული შეიცავს ბოჭკოს, რომელიც აუმჯობესებს საჭმლის მონელებას.
ჰუმუსი მდიდარია მცენარეული ცილებით, რაც ხელს უწყობს დანაყრების უფრო დიდხანს შენარჩუნებას.
ეს საჭმელი დაბალკალორიულია, მაგრამ სავსეა ჯანსაღი ვიტამინებით.

პორციის საშუალო კალორიულობა დაახლოებით 150 კკალ-ია.

3. ხაჭო თაფლით და ჩიას თესლით

ხაჭო მსუბუქი, მაგრამ სასარგებლო პროდუქტია, მდიდარია ცილებით და კალციუმით. ის ხელს უწყობს კუნთების შენარჩუნებას და ძვლების გაძლიერებას, ხოლო ჩიას თესლი ბოჭკოვანას და ჯანსაღ ცხიმებს უმატებს.

რა გჭირდებათ:

100 გ უცხიმო ხაჭო

1 ჩ/კ თაფლი

1 ჩ/კ ჩიას თესლი

მომზადების წესი:

1. ხაჭო შეურიეთ თაფლს.

2. დაუმატეთ ჩიას თესლი და აურიეთ.

3. გააჩერეთ 5 წუთი, რომ ჩია ოდნავ გაჯირჯვდეს.

რატომ არის ის სასარგებლო?

ხაჭო შეიცავს კაზეინის ცილას, რომლის მონელება ნელა ხდება და დიდი ხნის განმავლობაში ანაყრებს ორგანიზმს.
ჩიას თესლი მდიდარია ომეგა-3 ცხიმოვანი მჟავებით, რომლებიც კარგია გულისთვის.
ეს საჭმელი ინარჩუნებს სისხლში შაქრის ნორმალურ დონეს.
კალორიულობა - დაახლოებით 170 კკალ.

წყარო: mkurnali.ge