დევნილთა კომპაქტური დასახლება „ქართლის" მცხოვრებლები მთავრობის ადმინისტრაციასთან აქციას მართავენ

საპროტესტო აქცია იმართება მთავრობის ადმინისტრაციასთან, იქ დევნილთა კომპაქტური დასახლება „ქართლის" მცხოვრებლები შეიკრიბნენ.

აქციის მონაწილეები ბინებით უზრუნველყოფას ითხოვენ და აცხადებენ, რომ მათი ამჟამინდელი საცხოვრებელი ამორტიზებული და სიცოცხლისთვის საშიშია.

აქციის ერთ-ერთი მონაწილის თქმით, 30 წელზე მეტია დევნილობაში არიან. ერთადერთი მოთხოვნა აქვთ  - ალტერნატიული საცხოვრებლით უზრუნველყოფა.