„დაე, მისმა სულმა მარადიული სიმშვიდე ჰპოვოს“ - კარლო პონტი უწმინდესზე

სრულიად საქართველოს კათოლიკოს-პატრიარქი, უწმინდესი და უნეტარესი ილია II 93 წლის ასაკში გარდაიცვალა. აღნიშნულთან დაკავშირებით, ცნობილი იტალიელი დირიჟორი კარლო პონტი უმცროსი სოციალურ ქსელში პოსტს აქვეყნებს.  „მე და ჩემი ოჯახი ღრმა მწუხარებას გამოვთქვამთ მისი უწმინდესობის ილია მეორის გარდაცვალების გამო.

მისი უწმინდესობის შთამაგონებელი და გადამწყვეტი ღვაწლი ქართველი ხალხის საკეთილდღეოდ წარუშლელი დარჩება და ყველასთვის შთაგონების წყარო იქნება სამუდამოდ. დაე, მისმა სულმა მარადიული სიმშვიდე ჰპოვოს“, – წერს კარლო პონტი.