„ბავშვები არ დააშინოთ და არ გამოიყენოთ თოვლის ბაბუა და საჩუქრები მანიპულაციურ ინსტრუმენტად“ – ინკლუზიური განათლების სპეციალისტი

ინკლუზიური განათლების სპეციალისტი თიკო გობაძე მშობლებს ბავშვებთან ურთიერთობისას შიშისა და მანიპულაციისგან თავის შეკავებისკენ მოუწოდებს. 

„არაფრის დიდებით ბავშვები არ დააშინოთ და არ გამოიყენოთ თოვლის ბაბუა და საჩუქრები მანიპულაციურ ინსტრუმენტად“,-ამბობს სპეციალისტი.

მისი განმარტებით, ბავშვებთან კომუნიკაცია ჯანსაღი გზებით უნდა მიმდინარეობდეს.

„ქცევა, რომელიც მიუღებელია, იმ ქცევის აღმოფხვრაზე ვიმუშაოთ და ალტერნატიული ქცევა დავასწავლოთ“, – ამბობს თიკო გობაძე.