არც ერთ მამრს არ აქვს უფლება აკონტროლოს ქალი! - ბაია პატარაია

ქალის საშოს სადარაჯოზე არ უნდა იდგეს შვილი, და არც ქმარი, ან ნებისმიერი სხვა მამრი თუ მდედრი.
ყველამ თავის გენიტალიებს მიხედოს!, - ამის შესახებ უფლებადამცველი ბაია პატარაია აცხადებს.

მისი თქმით, თუ ზრდასრული ადამიანისთვის სხვისი ქცევა მიუღებელია, სიცოცხლე კი არ უნდა წაართვას მას, არამედ შეტრიალდეს და თავის გზას დაადგეს და თავის საქმეს მიხედოს.

„არც ერთ მამრს არ აქვს უფლება აკონტროლოს ქალი! შეიგნეთ და შეუშვით ხის თავებში. თქვენი ღირსება თქვენივე სხეულში იწყება და მთავრდება და ის აბსოლუტურად არც ერთ სხვა ადამიანზე არ გადადის და არ ვრცელდება. დაეტიეთ საკუთარ ტყავში და ნუ ხტებით საკუთარი კანიდან, მით უმეტეს სხვა ადამიანების დაზიანების ხარჯზე.
ყველამ საკუთარ პირად ცხოვრებას და საკუთარ სხეულს მიხედოს. და ვისაც მართლა მიხედილი აქვს საკუთარი თავისთვის, და ვინც იცნობს საკუთარ თავს და პატივს სცემს მას, ის არც გაიჭაჭება სხვის სხეულზე და არ შეურაცხყოფს სხვას.

ვინც სხვა ადამიანზე აღმართავს ხელს მოსასპობად, იმას არც გონი გააჩნია, არც ღირსება, არც ნამუსი და მით უმეტეს, არ არის ქრისტეს მაძიებელი საკუთარ თავში. უვიცი მღვდლის ანაფორის ქვეშ შეყუჟვა და ლობიოს ჭამა რომ გგონიათ ქრისტიანობა, იმიტომაც ამართლებთ ქალზე ძალადობას. აბა, ნამდვილი ქრისტიანები იყოთ, ხელს კი არა სიტყვას ვერ აღმართავდით სხვა ადამიანის დასაჩაგრად და მოსასპობად, ფარისევლებო.“ - წერს პატარაია.