არ არსებობს არც სიტყვა და არც ქმედება, რომელიც ჩემს განწყობას ადეკვატურად გამოხატავს - გია ვოლსკი წულუკიძეების ოჯახს უსამძიმრებს

საპარლამენტო უმრავლესობის წევრმა, გიორგი ვოლსკიმ, „ქრონიკის“ ეთერში საუბარი ნიკოლოზ წულუკიძის ოჯახში დატრიალებული ტრაგედიის გამო, სამძიმრით დაიწყო.

„მინდა, წულუკიძეების ოჯახს მივუსამძიმრო. ამ ქვეყანაზე არ არსებობს არც სიტყვა და არც ქმედება, რომელიც ჩემს განწყობას ადეკვატურად გამოხატავს. ნიკას პირადად არ ვიცნობდი. ამ უბედურების გამო, მასთან ერთად, საქართველოში ძალიან ბევრი ადამიანი ტირის“, - განაცხადა გიორგი ვოლსკიმ.

ტელეწამყვანის და თეატრმცოდნის, ნიკოლოზ წულუკიძის შვილის 2 წლის კიტას სამოქალაქო პანაშვიდი სიონის საკათედრო ტაძარში იმართება. გამოსვენება14 საათზე იქნება.

"პრაიმტაიმი" თანაუგრძნობს დაღუპულის ოჯახსა და ახლობლებს.