„ამ უპროფესიო უსაქმურმა კრიმინალმა დიქტატორმა მშვიდობიანი მოსახლეობის ტვინი წაიღო“ - ირაკლი კაკაბაძე სააკაშვილი

თქვენი ახსნა-განმარტება და „ნუცას სკოლა“ არ მჭირდება. სად ვბრძანდები ძალიან კარგად ვიცი - ეს დარბაზი ჩემი აშენებულია; სკამი, რომელზეც ზიხართ, ჩემი დადგმულია; ეს გალიაც ჩემი აშენებულია, - მიხეილ სააკაშვილის ამ განცხადებას მწერალი ირაკლი კაკაბაძე ეხმაურება.

„ამ უპროფესიო უსაქმურმა კრიმინალმა დიქტატორმა, რომელსაც პასუხისმგებლობის აღებაც არ უნდა და ციხეში ჯდომის ვაჟკაცობაც არა აქვს, მშვიდობიანი მოსახლეობის ტვინი წაიღო ამ თავისი მასკარადებით. შენ ზუსტად იმიტომ უნდა იჯდე მაგ გალიაში კიდევ უფრო დიდი ხანი ვიდრე მოსჯილი გაქვს, რომ შენ ხარ ზუსტად პასუხისმგებელი მაგ სასამართლოს და მაგ რეპრესიული გალიის შექმნაზე, რომელმაც ასობით ათასი ოჯახი გააუბედურა - ადამიანები აწამა, მოკლა, გააგდო ქვეყნიდან. ქვეყანას წინ წასვლა სჭირდება და არა უკან - და ახლა ახალი ძალების და ახალგაზრდობის დროა და არა რეპრესიული სასამართლოს და გალიების შემქმნელი ფუხიმორის ტიპის ავტოკრატ-დიქტატორების.

ზუსტად ამიტომაც შენ უნდა შეეშვა ამ ისტერიულ წივილ-კივილს და პასუხი აგო ათასობით შენი თანამემამულის წამებაზე და მოკვლაზე. და კრემლის დავალებით რომ ცდილობ ქართული სახელმწიფო გაზაფხულამდე დაამთავრო, უკვე კარგად გაშიფრული პატრუშევის ძმაკაცი ბიძაშენის ფულებით - ნურას უკაცრავად! ამას ვერ შეძლებ - იმიტომ, რომ ამ ქვეყნის მოსახლეობას პროგრესი უნდა და არა უკვე გავლილი გრუ-ს ლეიტენანტი უბედურება“, - წერს კაკაბაძე.