1743796858
ტურიზმის ეროვნული ადმინისტრაციის ორგანიზებით ახალციხეში გიდებისთვის ტრენინგი გაიმართა.
ტურიზმის ეროვნული ადმინისტრაციის ინფორმაციით, გადამზადების კურსი ა(ა)იპ, ,ახალციხის ციხესთან" თანამშრომლობით შედგა.
„გიდის პროფესიული უნარები, რეგიონული ტურიზმის დაგეგმარება და პიროვნული ზრდა“ - სასწავლო კურსს 26 დამწყები და პრაქტიკოსი კულტურული ტურიზმის გიდი ესწრებოდა. ტრენინგი ტურიზმის აკადემია „ნიუკას“ -თანთანამშრომლობით მოეწყო.
ტრენინგის ფარგლებში თეორიული ლექციები და ინტერაქციული სემინარები გაიმართა. სასწავლო კურსი გიდის პროფესიის საბაზისო უნარებს მოიცავდა.
სასწავლო პროგრამა ღვინის, გასტრონომიის და ტურისტული რესურსების შესწავლას და ტურისტული პროდუქტების დაგეგმარებას მოიცავდა. ტრენინგის დასრულების შემდეგ მონაწილეებს სერტიფიკატები გადაეცათ.
საქართველოს ტურიზმის ეროვნული ადმინისტრაცია მომსახურების გაუმჯობესების მიზნით, მთელი ქვეყნის მასშტაბით, ტურიზმის სექტორის წარმომადგენლებისთვის სრულიად უსასყიდლოდ ტრენინგებს აგრძელებს.
