„ადამიანებს სამი დაბადების დღე გვაქვს“ - ნახეთ მამა შალვას საინტერესო განმარტება

ვაკის მაცხოვრის ფერიცვალების სახელობის ტაძრის წინამძღვარი, მამა შალვა კეკელია ამბობს, რომ ადამიანს სამი დაბადების დღე აქვს ცხოვრებაში, რომელსაც შემდეგნაირად განმარტავს:

„ნათლისღება მეორე შობაა. ნათლისღებით ადამიანი იბადება ეკლესიაში.

ადამიანებს სამი დაბადების დღე გვაქვს - პირველი, როცა ჩვენ დედის მუცლიდან ვიბადებით, მეორე - როცა ჩვენ ღვთის წინაშე, ეკლესიის წიაღში ნათლობით ვიბადებით და მესამე და უმთავრესი - როცა ამ ქვეყანას ვტოვებთ.

როცა ჩვენი სული და სხეული ერთმანეთს ეყრება და მარადიულობაში გადავინაცვლებთ. ეს ორი დაბადების დღე უნდა ემსახურებოდეს მესამე დაბადების შეხვედრას - როცა ფიზიკურად, სხეული დავიბადე, სული დავიბადე, ეს ყველაფერი უნდა გამოიყენო იმისთვის, რომ მარადიულ ცხოვრებაში შეხვდე ღმერთს და მის წინაშე წარდგე.“ - ამბობს მამა შალვა კეკელია „დილა მშვიდობისა საქართველოს“ ეთერში.