„300 ბავშვი შეასრულებს საქართველოს ეროვნულ ჰიმნს“ - რეპეტიციის კადრები თავისუფლების მოედნიდან

საქართველო დამოუკიდებლობის 105 წლის იუბილეს ზეიმობს. შესაბამისი განწყობის შესაქმნელად თბილისსა და 15 ქალაქში ღონისძიებებია დაგეგმილი.

"თავისუფლების სიყვარულით" - წელს ეს არის სლოგანი. პროგრამა უკვე ტრადიციად ქცეული ცერემონიით 11 საათზე დაიწყება - წვევამდელები ფიცს ამჯერად პარალელურად მთელი საქართველოს მასშტაბით დადებენ.

რაც შეეხება სხვა სამხედრო კომპონენტს, მთელი დღის განმავლობაში გამოფენილი იქნება ტექნიკა და აღჭურვილობა. გადაიფრენს ავიაცია.

დღის განმავლობაში, ცენტრალურ მოედნებზე სხვადასხვა სივრცე მოეწყობა- მათ შორის ღვინის, კვების, სპორტის და მუსიკალური კუთხეები. ყველგან იქნება პროგრამა ბავშვებისთვის - კულმინაცია 20:00 საათზე დაგეგმილი გალა კონცერტია.

ფოტოგრაფი გოგა ჩანადირი სოციალურ ქსელში ავრცელებს ვიდეოს და წერს:

"300 ბავშვი შეასრულებს საქართველოს ეროვნულ ჰიმნს 26 მაისს, დამოუკიდებლობის დღეს. რეპეტიციის კადრები თავისუფლების მოედნიდან" - წერს გოგა ჩანადირი.