თბილისში, ხელოსნებს შორის მომხდარი შელაპარაკება მკვლელობით დასრულდა

,,პრაიმტაიმისთვის“ ცნობილი გახდა, რომ წუხელ ღამით შუახნის მამაკაცი ცივი იარაღით მოკლეს.

ჩვენი ინფორმაციით, გარდაცვლილი და ბრალდებული ერთ-ერთ ობიექტზე სამშენებლო საქმიანობას ერთად ახორციელებდნენ.

წყარო გვიყვება, რომ ურთიერთშელაპარაკება მათ შორის ერთ-ერთ რესტორანში დაიწყო, შემდეგ კი ბრალდებულის საცხოვრებელ ტერიტორიაზე გაგრძელდა. ორივე მათგანი ალკოჰოლური თრობის ქვეშ იმყოფებოდა.

ჩვენი ინფორმაციით, შინაგან საქმეთა სამინისტრომ ბრალდებული ცხელ კვალზე დააკავა.

მომხდარზე საგამოძიებო მოქმედებები მიმდინარეობს.