სპეციალური საგამოძიებო სამსახურის უფროსი კოკა კაციტაძე, მოადგილეებთან ერთად ევროპის საბჭოს პროექტის ხელმძღვანელებს შეხვდა

სპეციალური საგამოძიებო სამსახურის უფროსი კოკა კაციტაძე, მოადგილეებთან - გიორგი კვარაცხელიასთან და ნათია სონღულაშვილთან ერთად ევროპის საბჭოს პროექტ „ადამიანის უფლებების დაცვით საპოლიციო ზომების გატარება საქართველოში’’ ხელმძღვანელებს შეხვდა. შეხვედრაზე მხარეებმა ურთიერთთანამშრომლობის საკითხები განიხილეს.

დამოუკიდებელი საგამოძიებო სამსახურის უფროსმა საქმიანობის ძირითად ასპექტებზე, განსახორციელებელ რეფორმებზე და თანამშრომლობის მნიშვნელობაზე ისაუბრა. კოკა კაციტაძემ შეხვედრის მონაწილეებს სამსახურის სამომავლო განვითარების ხედვა და ძირითადი გამოწვევები გააცნო.

განსაკუთრებული ყურადღება სამსახურის გაძლიერების საკითხზე გამახვილდა. გაზრდილი ფუნქციების პარალელურად, ხაზი გაესვა სპეციალური საგამოძიებო სამსახურის გეგმას, რომელიც მიზნად ისახავს დაზარალებული მოქალაქეების უფლებრივი მდგომარეობის გაუმჯობესებას და დანაშაულის პრევენციისთვის კონკრეტული ღონისძიებების განხორციელებას. შეხვედრაზე, ევროპის საბჭოს პროექტის ხელმძღვანელებმა საგამოძიებო სამსახურთან სამომავლო თანამშრომლობის მზაობა გამოთქვეს.

სპეციალური საგამოძიებო სამსახურში გამართულ შეხვედრას ევროპის საბჭოს ადამიანის უფლებების დირექტორატის განყოფილების ხელმძღვანელი - დონჩე ბოშკოვსკი (Donche Boshkovski - Head Of Section at Council of Europe), პროექტის კოორდინატორი - კელი სიპი (Project Coordinator- Kelly Sipp), პროექტის უფროსი ოფიცერი - ეთერ ყამარაული და სპეციალური საგამოძიებო სამსახურის ადმინისტრაციის უფროსი სოფიო ჭარელი ესწრებოდნენ.