„შენი ვახტანგი ლუდოვიკოს ფეხზე ჰკიდია“ - ადვოკატი მოსამართლის გადაწყვეტილებაზე

ე.წ ქურდული სამყაროს წევრობასა და მხარდაჭერაში ბრალდებულ შვიდივე პირს აღკვეთის ღინისძიებად პატიმრობა შეეფარდა.

მოსამართლემ პროკურორის შუამდგომლობა სრულად დააკმაყოფილა. ადვოკატების ნაწილი 5 ათასი ლარის ოდენობით გირაოს ითხოვდა, ნაწილი - აღკვეთის ღონისძიების გარეშე დატოვებას.

კილონახევარი ყალბი ოქროს მონეტებისა და ქურდული გარჩევების საქმეზე პოლიციამ 7 პირი დააკავა. ბრალდებულები სამართალდამცველებმა აჭარაში, თბილისსა და რუსთავში აიყვანეს, საზღვარგარეთ მყოფ კიდევ 2 პირს კი ბრალი დაუსწრებლად წარედგინა.

მოსამართლის გადაწყვეტილებას არ ეთანხმებიან დაცვის მხარის ადვოკატები.

„მოსამართლის გადაწყვეტილებას შევაფასებ ისე, რომ ფაქტობრივად ადვოკატების პოზიციას იგნორი გაუკეთა, ფაქტობრივად არაფერი არ განხილულა  რომ ვთქვათ მუხრან მაჭავარიანის - საბასი არ იყოს შენი ვახტანგი ლუდოვიკოს ფეხზე ჰკიდიაო ზუსტად ასე გამოვიდა  “, - განაცხადა ადვოკატმა, ლალი ბუნტურმა.