„სახლში ექიმს რა აქვს შენახული, ვისი საქმეა, ვინ კითხავდა მეზობლებს“ - ექიმი კოლეგაზე, რომლის სახლშიც გახრწნილი ხორცი აღმოაჩინეს

სანზონაში ერთ-ერთ კორპუსში მცხოვრებლებმა სამართალდამცველები მას შემდეგ გამოიძახეს, რაც სადარბაზოში უსიამოვნო სუნი დადგა. კორპუსში მცხოვრები მოქალაქე ამბობს, რომ ადგილზე მისულ პოლიციელებს სახლის მეპატრონე სახლში არ უშვებდა, მათ გამოთქვეს ეჭვი, რომ შესაძლოა კანიბალიზმის შემთხვევას ჰქონდეს ადგილი.

პოლიციამ ბინა დალუქა, გახრწნილი ხორცი კი ექსპერტიზის ეროვნული ბიუროში გადაიტანეს.

„სახლში ექიმს რა აქვს შენახული, ვისი საქმეა ან ვინ კითხავდა მეზობლებს. მე მიღებაზე ვიჯექი და რომ გამოვედი რაღაცა ჩოჩქოლი იყო. პოლიცია იყო, რამდენი წელია აქ მუშაობს, ამდენი წელია აქ ვმუშაობ ყველაზე წყნარი, მშვიდი და გაწონასწორებული ექიმია“, - ამბობს ექიმი კოლეგაზე, რომელსაც სახლში შენახული დიდი რაოდენობით გახრწნილი ხორცი და ფეკალიები აღმოაჩინეს.