სააკაშვილს სურს, მოსამართლემ საქმე ფაქტობრივად, 24 - საათიან რეჟიმში განიხილოს - ხაჭაპურიძე

შალვა ხაჭაპურიძის თქმით, სააკაშვილს სურვილი აქვს, რომ ყველა სასამართლო პროცესს დაესწროს. ადვოკატმა ამის შესახებ კლინიკა "ვივამედთან" მიხეილ სააკაშვილის მონახულების შემდეგ განაცხადა.

„განვიხილეთ მისი პროცესებზე გამოცხადების საკითხი. მას სურვილი აქვს, რომ ყველა პროცესს დაესწროს. ასევე მთხოვა, რომ დავაყენო შუამდგომლობა, ფაქტობრივად, 24 - საათიან რეჟიმში განიხილოს მოსამართლემ, იმიტომ, რომ ფიზიკურად ადამიანური რესურსი აღარაა მისი ჯანმრთელობის მდგომარეობიდან გამომდინარე.

ავადმყოფობის ისტორია გამოვითხოვეთ, იმედია ხვალ ან ზეგ მოგვაწოდებენ. მდგომარეობა კვლავ მძიმეა. წინასასამართლო განწყობა გვაქვს, რომ ყოველდღიურად მოხდეს [განხილვა] და დილიდან გვიანობამდე გაიმართოს სასამართლო პროცესები," - განაცხადა შალვა ხაჭაპურიძემ.