1745828111
გორში, სავაჭრო ცენტრ „გალერეაში“ მკვლელობა მოხდა. მოკლულია ახალგაზრდა მამაკაცი და დაჭრილია მისი მამა. შემთხვევა წმინდაწყლის უბანში მოხდა.
როგორც თვითმხილველები აცხადებენ, სროლა მაღაზიაში შელაპარაკებას მოჰყვა. მათივე ცნობით, რამდენიმე გასროლა მოხდა იმ დროს, როდესაც სავაჭრო ცენტრში მომხმარებლებიც იმყოფებოდნენ.
ახალგაზრდა მამაკაცი ადგილზე დაიღუპა. ამ დროისთვის შემთხვევის ადგილზე სამართალდამცველები იმყოფებიან. სამართალდამცველებმა მკვლელობაში ბრალდებული ცხელ კვალზე დააკავეს.
როგორც „პრაიმტაიმს“ შინაგან საქმეთა სამინისტროში უთხრეს, ფაქტზე გამოძიება 109-ე მუხლით დაიწყო, რაც ორი ან მეტი პირის განზრახ მკვლელობას გულისხმობს.
[ფოტო: ქართლის ამბები]
