პროკურორის კომენტარი გიგა ავალიანის მკვლელობის საქმეზე გამართული პროცესის შემდეგ

თბილისის საქალაქო სასამართლოში, მოკლული მასწავლებლის, გიგა ავალიანის საქმესთან დაკავშირებით დანაშაულის შეუტყობინებლობის ბრალდებით დაკავებული ორი არასრულწლოვნის, ალექსანდრე გაბაშვილისა და გიორგი რიკაძის სასამართლო პროცესი გაიმართა. სხდომა დახურულ რეჟიმში ჩატარდა, ვინაიდან საქმე არასრულწლოვნებს ეხება.

როგორც საქმის პროკურორმა ლევან ვეფხვაძემ პროცესის დასრულების შემდეგ ჟურნალისტებს განუცხადა, დღევანდელ პროცესზე ბრალდების მხარემ დამატებითი მტკიცებულებები წარადგინა.

„დღევანდელ სასამართლო პროცესზე ბრალდების მხარემ წარადგინა დამატებითი მტკიცებულებები, მათ შორის იყო კომისიური სამედიცინო ექსპერტიზის დასკვნა, რომელსაც შემდგომ პროცესებზე გამოვიკვლევთ. მოხდა ამ მტკიცებულების დასაშვებად ცნობა. სასამართლო პროცესების შემდგომ ეტაპზე აქტიურად დავიწყებთ მტკიცებულებების გამოკვლევას“,- განაცხადა ლევან ვეფხვაძემ.