ჩინეთი პირველი ქვეყანა გახდა, რომელმაც ელექტრომობილებზე ფარული კარის სახელურები აკრძალა

ჩინეთმა ელექტრომობილებზე ფარული კარის სახელურები აკრძალა და გახდა პირველი ქვეყანა, რომელმაც აკრძალა საკამათო დიზაინის სახელურების გამოყენება, რომელიც მულტიმილიარდერის, ილონ მასკის საკუთრებაში არსებული ავტომწარმოებლის, Tesla-ს მიერ გახდა პოპულარიზებული, - ამის შესახებ BBC წერს.

ეს მოხდა მთელი მსოფლიოს მასშტაბით უსაფრთხოების მარეგულირებლების მიერ ელექტრომობილების ინტენსიური შემოწმების ფონზე, რაც გამოწვეულია ფატალური ინციდენტების სერიით, მათ შორის ჩინეთშიც.

ჩინეთში, Xiaomi-ს ელექტრომობილების მონაწილეობით ორი ფატალური ავარია მოხდა, რა დროსაც, სავარაუდოდ, ელექტროენერგიის გათიშვამ კარების გაღება შეუძლებელი გახადა.

სახელმწიფო მედიის ცნობით, ახალი რეგულაციების თანახმად, მხოლოდ იმ ავტომობილების გაყიდვა იქნება შესაძლებელი, რომლებსაც მექანიკური გახსნის მექანიზმი, როგორც კარების შიდა, ასევე გარე მხარეს აქვთ.