მიხეილ სააკაშვილი სასამართლოში მიიყვანეს

საქართველოს ყოფილი პრეზიდენტი მიხეილ სააკაშვილი სასამართლოში მიიყვანეს. საზღვრის უკანონო კვეთის საქმეზე დღეს მორიგი სასამართლო დღეს გაიმართება.  ექსპრეზიდენტის უფლებადამცველები რამდენიმე შუამდგომლობის დაყენებას აპირებენ და კიდევ ერთხელ ამტკიცებენ, რომ საქმე პოლიტიკურად მოტივირებულია.

"ცხადია როგორც წინა პროცესებზე ამ პროცესებზეც იქნება რამდენიმე შუამდგომლობა და საქმის წარმოების ეტაპზე, რაც არ უნდა დარწმუნებულები ვიყოთ იმაში, რომ ეს არ არის სამართლებრივი, არამედ პოლიტიკური პროცესია, დაცვის მხარე გამოიყენებს ყველა კანონიერ ბერკეტს იმისთვის, რომ სიმართლე და ობიექტური ჭეშმარიტება იქნეს გარკვეული და სასამართლომ რეალურად შეძლოს სიმართლის დადგენა და სამართლიანი გადაწყვეტილების მიღება," - განაცხადა ადვოკატმა შოთა თუთბერიძემ.

დღევანდელ სასამართლო პროცესზე დასწრების სურვილი თავად მიხეილ სააკაშვილსაც აქვს. ბრალდება საზღვრის უკანონო კვეთასთან კავშირში მყოფ კიდევ 4 პირს აქვს წარდგენილი - ის ცალკე წარმოებად არის გამოყოფილი.