გარყვნილი ქმედება არასრულწლოვან გოგონაზე - ოზურგეთში, 62 წლის მამაკაცის მიმართ გამოძიება დაიწყო

62 წლის მამაკაცს ბრალი არასრულწლოვანის მიმართ გარყვნილი ქმედების ჩადენაში ედება. შემთხვევა გუშინ საღამოს ოზურგეთის ერთ-ერთ უბანში მოხდა. მეზობლები კამერასთან არ საუბრობენ, თუმცა აღნიშნავენ, რომ არასრულწლოვანი გოგონა და ბრალდებულის ოჯახები ერთმანეთის მეზობლები არიან და აღნიშნული შემთხვევა მათთვის ძალიან დიდი მოულოდნელობა იყო. ასევე, მათ შენიშნეს გუშინ საღამოს პოლიცია, რომელმაც, სავარაუდოდ, ბრალდებული გამოკითხვაზე გადაიყვანა.

„ძალიან კაი კაცია. მაგას ცოლი საზღვარგარეთ ჰყავდა რამდენი წელი, მაგას ასე ქალისთვის არ შეუხედავს არასდროს და ახლა ბავშვთან რა ვიცი, მე ვერ წარმოვიდგენ. ბავშვიც არის უწესიერესი,"-ამბობს ერთ-ერთი მეზობელი.

ბრალდებული მამაკაცი, ჯერჯერობით, დაკავებული არ არის, თუმცა შინაგან საქმეთა სამინისტროს ინფორმაციით, საგამოძიებო მოქმედებები აქტიურად მიმდინარეობს. მომხდარზე საქმე აღძრულია სსკ-ის 141-ე მუხლით, რომელიც გულისხმობს ძალადობის გარეშე გარყვნილი ქმედების ჩადენას 16 წელს მიუღწეველთან. ბრალის დამტკიცების შემთხვევაში, მამაკაცს 5-დან 7 წლამდე ვადით პატიმრობა ემუქრება.

გამოძიება სისხლის სამართლის კოდექსის 141-ე მუხლით მიმდინარეობს, რაც გულისხმობს ძალადობის გარეშე სრულწლოვანის გარყვნილ ქმედებას დამნაშავისთვის წინასწარი შეცნობით თექვსმეტი წლის ასაკს მიუღწეველი პირის მიმართ.

ასევე ნახეთ:

VIDEO: „ცხელი ძაღლი 6“ იწყებაო?!“ - „ლექსო“ „ქათამაძესთან“ გადაღებულ კადრებს აქვეყნებს

ტყუპების ისტორია, რომლებიც ერთმანეთს არ იცნობდნენ, მაგრამ იდენტური ცხოვრება განვლეს

„ადამიანებს ეჩვენებათ საშიში გარეგნობის მქონე არსება, რომელიც მათ უახლოვდება" - რა არის ძილის დამბლა?