,,არ ვიცი, აქ როგორ მოვიდა..." - ომიანე ჯიქიას თქმით, ძებნილი ესებუა მასთან ფარულად შეიპარა

ბადრი ესებუას საქმის ერთ ერთი მთავარი მოწმე - ომიანე ჯიქია, რომლის სახლშიც ბანკზე თავდამსხმელი აიყვანეს, ჰყვება, რომ მასთან ბადრი ესებუა, დაახლოებით, დილის ხუთ საათზე ფარულად შევიდა, მისი სახლში ყოფნის შესახებ კი მხოლოდ მას შემდეგ შეიტყო, რაც ადგილზე პოლიცია გამოჩნდა.

,,არ ვიცი, აქ როგორ მოვიდა, ღამე იყო, ჩვენ ვიწექით. ჩემი ძმის შვილიშვილია. რომ მოვიდნენ [პოლიცია] და დაიჭირეს, მე ვიწექი და იყო 5 საათი. არანაირი საუბარი ჩვენ არ გვქონია,"- აცხადებს ომიანე ჯიქია.