14 წლის აითაჯ შახმაროვას დედას 3 წლით, ბიძას კი 3 წლითა და ექვსი თვით თავისუფლების აღკვეთა მიესაჯა

რუსთავის საქალაქო სასამართლომ 14 წლის აითაჯ შახმაროვას განზრახ მკვლელობის საქმეზე, ქორწინების იძულებისა და დანაშაულის შეუტყობინებლობის ფაქტებზე დაკავებული, არასრულწლოვნის დედა და ბიძა დამნაშავედ ცნო.

ნატიკ მაგამაროვი და ეგანა მაგამაროვა საქმის ორივე ნაწილში იქნენ ცნობილი დამნაშავედ. ნატიკ მაგამაროვს 3 წლითა და 6 თვით, ეგანა მაგამაროვას კი 3 წლით თავისუფლების აღკვეთა მიესაჯა.

სასამართლო სხდომაზე, საბოლოო სიტყვით სარგებლობისას, აითაჯ შახმაროვას დედამ განაცხადა, რომ უდანაშაულოა და პირიქით, საქმეში დაზარალებულია.

ცნობისთვის, საგარეჯოს სოფელ ლამბალოში 14 წლის აითაჯ შახმაროვა 2023 წლის 6 ოქტომბერს მოკლეს. მოკლული არასრულწლოვანი წარმოშობით დმანისის სოფელ მამიშლოდან იყო.

მკვლელობაში ბრალდებული ასიმ ასლანოვია, რომელმაც იქამდე ის იძულებითი ქორწინების მიზნით გაიტაცა.

ამავე თემაზე:

14 წლის აითაჯ შახმაროვას მოტაცების ფაქტი კიდევ ერთმა მოწმემ დაადასტურა

დედამ, გაქცეული შვილი მანქანაში სხვისი ძალდატანების გარეშე ჩასვა და იმ სახლში დააბრუნა, საიდანაც ის გამოიქცა - პროკურორი

„თავის ძმაზე რატომ არ ამბობს, რომ ყველაფერში ის არის დამნაშავე“ - სასამართლოზე 14 წლის აითაჯის მკვლელობაში ბრალდებულის დები დაიკითხნენ