ზუგდიდში ოჯახის სიწმინდის დღე აღნიშნეს

ოჯახის სიწმინდის და მშობლების პატივისცემის დღესთან დაკავშირებით, ზუგდიდში ვლაქერნის ღვთისმშობლის სახელობის ტაძრიდან მსვლელობა გაიმართა.

სადღესასწაულო მსვლელობაში ზუგდიდისა და ცაიშის ეპარქიის სასულიერო პირები, მრევლი, ადგილობრივი ხელისუფლების წარმომადგენლები, საჯარო მოხელეები და რიგითი მოქალაქეები მონაწილეობდნენ.მოგვიანებით, სამღვდელოება და მრევლი ზუგდიდის ივერიის ყოვლადწმიდა ღმრთისმშობლის საკათედრო ტაძარში გაემართნენ, სადაც აღევლინა სამშვიდობო პარაკლისი.