ონში ახალი სასტუმრო „ნოველა“ გაიხსნა

 რაჭაში, ონის ცენტრში, სტუმრებს ახალი სასტუმრო „ნოველა“ მასპინძლობს.

სასტუმრო 16 კომფორტულ ნომერს აერთიანებს და მოიცავს ბრასერიას, ბისტროსა და სრულად აღჭურვილ საკონფერენციო დარბაზს. „ნოველას“ მთავარი მიზანია რაჭის ტურისტული პოტენციალის გაძლიერება, სტუმრებისთვის მაღალი სტანდარტის მომსახურების შეთავაზება და ადგილობრივი მოსახლეობის დასაქმების ხელშეწყობა.

სასტუმრო გამოირჩევა გულწრფელი მასპინძლობით, ხარისხზე ორიენტირებული სერვისითა და თანამედროვე ინფრასტრუქტურით.

საკონფერენციო დარბაზი, თავისი ტექნიკური აღჭურვილობით, იდეალურია სხვადასხვა ტიპის შეხვედრებისა და შემეცნებითი ღონისძიებების გასამართად.