გომბორის უღელტეხილზე მოძრაობა შეიზღუდა

ვაზიანი-გომბორი-თელავის საავტომობილო გზაზე, შეზღუდვების დაწესების მიზეზი ინტენსიური თოვა და დაბალი ტემპერატურა გახდა.

საავტომობილო გზების დეპარტამენტის ინფორმაციით, უღელტეხილზე, სოფელ გომბორისა და შუა მთის მონასტრის გადასახვევის მონაკვეთზე, მსუბუქი ავტომანქანების მოძრაობა, მხოლოდ მოცურების საწინააღმდეგო ჯაჭვების გამოყენებით იქნება დასაშვები.

გზაზე ჯერჯერობით, თავისუფალია მაღალი გამავლობის, ორი და მეტი წამყვანი ხიდის მქონე ავტოტრანსპორტის გადაადგილება.

საავტომობილო გზის დანარჩენ მონაკვეთზე ტრანსპორტის მოძრაობა თავისუფალია.უკვე რამდენიმე საათია, კახეთის ყველა მუნიციპალიტეტში ინტენსიურად თოვს.