„განახლებული რეგიონების“ ფარგლებში, ლენტეხში სარეაბილიტაციო სამუშაოები აქტიურად მიმდინარეობს

პრემიერ მინისტრის ინიციატივით დაწყებული სახელმწიფო პროგრამა ,,განახლებული რეგიონების’’ ფარგლებში, ლენტეხის მუნიციპალიტეტში სარეაბილიტაციო სამუშაოები აქტიურად მიმდინარეობს.

მიმდინარე სამუშაოები დაათვალიერა ლენტეხის მუნიციპალიტეტის მერმა გია ონიანმა და მერის მოადგილემ ბერდია ჩანქსელიანმა.

პროგრამით დაფინანსებული პროექტების ფარგლებში, ლენტეხის მუნიციპალიტეტში ჩატარდა თამარ მეფის ქუჩაზე გარე ფასადების რეაბილიტაცია, გამოიცვალა შენობების კარ-ფანჯრები, ჩატარდა ქუჩების, ტროტუარების გამწვანებისა და მოპირკეთება-მოწყობის სამუშაოები. სამუშაოები ეტაპობრივად მიმდინარეობს. თამარ მეფის ქუჩის სამუშაოების დასრულების შემდეგ, განხორციელდება სტალინის ქუჩის კეთილმოწყობა.

4-წლიანი პროგრამა, რომელიც 63 მუნიციპალიტეტში ხორციელდება, ითვალისწინებს რეგიონების ურბანულ განახლებას, რაც სახელმწიფოს, მუნიციპალიტეტების და კერძო საკუთრებაში არსებული მნიშვნელოვანი ობიექტის განვითარებას გულისხმობს.