ახალციხეში მრავალსართულიანი საცხოვრებელი სახლების ფასადებისა და სადარბაზოების რეაბილიტაცია გრძელდება

ქ. ახალციხეში, 9 აპრილის ქუჩაზე, №15 და №25-ში მდებარე მრავალსართულიანი საცხოვრებელი სახლების გარე ფასადებს და სადარბაზოებს რეაბილიტაცია ჩაუტარდებათ.

ინფრასტრუქტურული სამუშაოები რეგიონებში განსახორციელებელი პროექტების ფონდიდან და ადგილობრივი ბიუჯეტიდან  ფინანსდება. ამ დროისთვის ტენდერები დასრულებულია და მიმდინარეობს შერჩევა-შეფასების პროცედურა.

პროექტის ფარგლებში დაგეგმილია  საცხოვრებელი კორპუსების ფასადების შეღებვა, სადარბაზოებისა და აივნების კეთილმოწყობა,  სადარბაზოებში შეიცვლება ფანჯრები,  ასევე, კორპუსის მაცხოვრებლები რკინის ახალი კოდირებული კარით ისარგებლებენ.

აღსანიშნავია, რომ ქალაქის იერ-სახის მოწესრიგება და მოსახლეობის საცხოვრებელი გარემოს გაუმჯობესება მუნიციპალიტეტის მერიის ერთ-ერთი პრიორიტეტია, ამ მიზნით ინფრასტრუქტურული სამუშაოები ეტაპობრივად გრძელდება.