1770294673

აიაზმა-ნინოწმინდას მონაკვეთზე მსუბუქი ავტოტრანსპორტის მოძრაობა აღდგა

საქართველოს ინფრასტრუქტურის სამინისტროს საავტომობილო გზების დეპარტამენტის ინფორმაციით, შიდასახელმწიფოებრივი მნიშვნელობის კოდა–ფარცხისი–მანგლისი–წალკა-ნინოწმინდის კმ94-კმ146 (აიაზმა-ნინოწმინდა) მონაკვეთზე მსუბუქი ავტოტრანსპორტის მოძრაობა აღდგენილია, ხოლო მისაბმელიანი და ნახევრადმისაბმელიანი ავტოტრანსპორტის გადაადგილება აკრძალულია.საავტომობილო გზის კმ1-კმ93 (კოდა-აიაზმა) მონაკვეთზე ავტოტრანსპორტის მოძრაობა თავისუფალია.

1770178908

ზაპოროჟიესა და ხარკოვში, რუსული უპილოტო საფრენი აპარატებით თავდასხმას ორი ადამიანის სიცოცხლე ემსხვერპლა - დაშავებულია 15 მოქალაქე

 ორი ადამიანის სიცოცხლე ემსხვერპლა ზაპოროჟიესა და ხარკოვში რუსული უპილოტო საფრენი აპარატებით თავდასხმას. დაშავებულია 15 მოქალაქე.აფეთქებების შედეგად, დაზიანდა საცხოვრებელი და სამოქალაქო ინფრასტრუქტურა; ზიანი მიადგა ენერგო სისტემასაც, რომელიც ბოლო პერიოდში უკრაინაში მწვავე კრიზისს განიცდის.მრავალსართულიან საცხოვრებელ სახლებში მოსახლეობა გაუსაძლის ყინვაში გათბობისა და დენის გარეშეა დარჩენილი

1770178266

ფასების შემსწავლელი კომისიის ტექნიკური დეტალები დღეს, საპროცედურო საკითხთა კომიტეტზე უნდა დადგინდეს

 რა ფაქტორები მოქმედებს ქვეყანაში სურსათის, მედიკამენტებისა და საწვავის ფასის მატებაზე? საკითხის შემსწავლელი პარლამენტის დროებითი კომისიის ტექნიკური დეტალები დღეს საპროცედურო საკითხთა კომიტეტზე უნდა დადგინდეს - გაირკვევა კომისიის წევრთა რაოდენობა და პროპორციული წარმომადგენლობის კვოტები.მუშაობას კომისია, რომლის უფლებამოსილების ვადაც 3 თვით განისაზღვრა, ხვალ დაიწყებს.მმართველი გუნდის თქმით, საპარლამენტო, ისევე როგორც სამთავრობო კომისიების მუშაობა გამჭვირვალედ წარიმართება.პროცესის დაწყებისთვის მზადაა ოპოზიციაც.

1770090811

დღეს, თბილისის ნაწილს ელექტროენერგიის მიწოდება შეეზღუდება - ქუჩების ჩამონათვალი

 3 თებერვალს, გადაუდებელი სამუშაოების გამო, თბილისის ნაწილს ელექტროენერგიის მიწოდება შეეზღუდება. ინფორმაციას და კონკრეტულ გრაფიკს კომპანია "თელასი" ავრცელებს.სამგორის რაიონიგადაუდებელი სამუშაოების გამო 11:00 საათიდან 15:00 საათამდე შეზღუდვა შეეხება: ლილოს დასახლების II მიკრორაიონის, ფრანგულიანის, ჭირნახულის, ევგენი აფხაზავას, გოკიელის, ნახუცრიშვილის, ღლონტის, სტურუას, კაკაბაძის, ორახელაშვილის, იგორ ტყემალაძის, ნადეჟდა ხარაძის, გია ბაქარაშვილის, ლეონტი მროველის და იუმაშევის ქუჩების მოსახლეობას.

1769670462

ევროობლიგაციების მიმდინარე გამოშვებისას დაფიქსირებული კუპონი ყველაზე დაბალი განაკვეთია საქართველოს მსგავსი და ერთი საფეხურით მაღალი საკრედიტო რეიტინგის მქონე სუვერენული ევროობლიგაციებისთვის ბოლო 4 წელიწადში - ფინანსთა მინისტრი

 ევროობლიგაციების მიმდინარე გამოშვებისას დაფიქსირებული კუპონი, ევროობლიგაციების ბაზრისთვის ყველაზე დაბალი განაკვეთია საქართველოს მსგავსი და ერთი საფეხურით მაღალი საკრედიტო რეიტინგის მქონე სუვერენული ევროობლიგაციებისთვის, ბოლო 4 წელიწადში. აღნიშნული განთავსებით მოხდა 2021 წელს გამოშვებული ევროობლიგაციების რეფინანსირება, კუპონის საბოლოო განაკვეთი დაფიქსირდა 5,125%-ის ფარგლებში, რაც საკმაოდ წარმატებული გამოშვების ნიშანია, - აღნიშნა ფინანსთა მინისტრმა, ლაშა ხუციშვილმა.მისი თქმით, გარდა მოზიდული ფინანსური რესურსისა, ახალი ევროობლიგაციის გამოშვება, განსაზღვრავს ქვეყნის რისკის დონეს, ზომავს საერთაშორისო ინვესტორების დაინტერესებასა და ნდობას ქვეყნისა და მისი ეკონომიკის მიმართ.„ორივე მიმართულებით მნიშვნელოვანი წარმატება დაფიქსირდა საქართველოს მთავრობის მიერ გამოშვებული ფასიანი ქაღალდებით. პირველ რიგში, მნიშვნელოვანია, რომ ქვეყნის რისკიანობის მაჩვენებელი შემცირებულია 50 საბაზისო პუნქტზე მეტით, რაც ნიშნავს 25 პროცენტზე მეტით შემცირებას, ხოლო მეორე მხრივ, ვნახეთ რეკორდულად მაღალი მოთხოვნა საქართველოს მიერ გამოშვებულ ევროობლიგაციებზე. ჯამში, 2,8 მილიარდ დოლარამდე ოდენობის მოთხოვნა დაფიქსირდა, რაც არის 5,5-ჯერ მეტი ბაზარზე შეთავაზებულ ოდენობასთან მიმართებით. ის, რომ ძალიან მაღალია შეფასება საერთაშორისო ინვესტორების მხრიდან და გაზრდილია მოთხოვნა, მიუთითებს საქართველოს მთავრობის მიერ განხორციელებული ეკონომიკური და ფისკალური რეფორმების მიმართ ინტერესსა და ნდობაზე“, - განაცხადა ფინანსთა მინისტრმა.როგორც მან აღნიშნა, გაგრძელდება მუშაობა, როგორც ევროობლიგაციების ისე,  მსოფლიოს სხვა ბაზრებზე. მისი თქმით, მნიშვნელოვანია, რომ მაღალი ინტერესი დაფიქსირდა ლარში დენომინირებული ფასიანი ქაღალდების მიმართ.„ამ მიმართულებით ჩვენ კიდევ გვექნება ღონისძიებები, მოვიწვევთ საერთაშორისო ინვესტორებს ქართულ ბაზარზე, სადაც ინტერესი ძალიან მზარდია ბოლო თვეების განმავლობაში“, - აღნიშნა ფინანსთა მინისტრმა, ლაშა ხუციშვილმა.

1769491845

ძალიან კარგი სატელეფონო საუბარი მქონდა მინეაპოლისის მერთან, დიდი პროგრესია მიღწეული - ტრამპი

 აშშ-ის პრეზიდენტმა, დონალდ ტრამპმა განაცხადა, რომ ძალიან კარგი სატელეფონო საუბარი ჰქონდა მინეაპოლისის მერ ჯეიკობ ფრეისთან, „დემოკრატთან, რომელიც კრიტიკულად იყო განწყობილი ქალაქში იმიგრაციული კონტროლის გაძლიერების მიმართ“.„ახლახან ძალიან კარგი სატელეფონო საუბარი გავმართე მინეაპოლისის მერ ჯეიკობ ფრეისთან. დიდი პროგრესია მიღწეული!“, – წერს დონალდ ტრამპი სოციალურ ქსელში.ამასთან, აშშ-ის პრეზიდენტმა აღნიშნა, რომ თეთრი სახლის საზღვრის კოორდინატორი ჯეიკობ ფრეისს დისკუსიის გასაგრძელებლად შეხვდება.მანამდე, დონალდ ტრამპმა განაცხადა, რომ მინეაპოლისში ფედერალური აგენტის მიერ ალექს პრეტის მკვლელობის შემდეგ მინესოტის გუბერნატორმა, ტიმ უოლცმა მას დაურეკა და თანამშრომლობა შესთავაზა.

1769486073

ქარი, ნისლი და თბილი ამინდი - განახლებული ამინდის პროგნოზი ქალაქების მიხედვით

27-29 იანვარს, საქართველოში მოსალოდნელი ამინდის შესახებ ინფორმაციას გარემოს ეროვნული სააგენტო ავრცელებს.30  იანვარამდე  დასავლეთ საქართველოში შედარებით თბილი, უნალექო და ქარიანი ამინდი იქნება, ხოლო აღმოსავლეთ საქართველოს ცალკეულ რაიონში შესაძლოა მცირე ნალექი და ნისლი აღინიშნოს.ქ. თბილისში შესაძლებელია მცირე ნალექი და ნისლი. ჰაერის ტემპერატურა ღამით -1, +1, დღისით +3, +8 გრადუსი დაფიქსირდება.  სანაპირო რაიონებში (ბათუმი, ქობულეთი, ანაკლია, ფოთი): უნალექო ამინდი იქნება. იქროლებს სამხრეთ - აღმოსავლეთის ქარი. ჰაერის ტემპერატურა  ღამით +7, +9, დღისით  +16 +18 გრადუსი დაფიქსირდება.დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი): უნალექო ამინდი იქნება. იქროლებს აღმოსავლეთის ძლიერი ქარი. ჰაერის ტემპერატურა  ღამით +6, +8, დღისით +15 +17 გრადუსი დაფიქსირდება.დასავლეთ საქართველოს მთიან რაიონებში (ამბროლაური, ონი, ცაგერი, შოვი, ჭიათურა, საჩხერე, ხულო, რიკოთის უღელტეხილი): უნალექო ამინდი იქნება. ზოგან იქროლებს აღმოსავლეთის ძლიერი ქარი. ჰაერის ტემპერატურა  ღამით -2, +2, დღისით +10, +12  გრადუსი დაფიქსირდება.  დასავლეთ საქართველოს მაღალმთიან რაიონებში (მესტია, ბახმარო): უნალექო ამინდი იქნება. ჰაერის ტემპერატურა ღამით -4, -6, დღისით +5, +8 გრადუსი დაფიქსირდება.  ქართლში (რუსთავი, ბოლნისი, მარნეული, გარდაბანი, გორი, ცხინვალი): ზოგან შესაძლებელია მცირე ნალექი და ნისლი. ჰაერის ტემპერატურა ღამით -3 -5,  დღისით  +4, +9 გრადუსი დაფიქსირდება.კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო): ზოგან შესაძლებელია მცირე ნალექი და ნისლი. ჰაერის ტემპერატურა ღამით -2, -4,  დღისით  +3, +8 გრადუსი დაფიქსირდება.  აღმოსავლეთ საქართველოს მთიან რაიონებში (ახალციხე, ბორჯომი, დუშეთი, თიანეთი, ფასანაური): ზოგან შესაძლებელია თოვლი და ნისლი.  ჰაერის ტემპერატურა ღამით -5 -7, დღისით  +2, +7 გრადუსი დაფიქსირდება.აღმოსავლეთ საქართველოს მაღალმთიან რაიონებში (ახალქალაქი, წალკა, ბაკურიანი, გუდაური, ომალო): ზოგან შესაძლებელია თოვლი და ნისლი.  ჰაერის ტემპერატურა ღამით -8, -10, დღისით -2, +3 გრადუსი დაფიქსირდება.

1768983967

გუდაური-კობის მონაკვეთზე მისაბმელიანი და ნახევრადმისაბმელიანი ავტოტრანსპორტის მოძრაობა აღდგა

საქართველოს ინფრასტრუქტურის სამინისტროს საავტომობილო გზების დეპარტამენტის ინფორმაციით, საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის გუდაური(ფოსტა)-კობის მონაკვეთზე მისაბმელიანი და ნახევრადმისაბმელიანი ავტოტრანსპორტის მოძრაობა აღდგენილია.გარემოს ეროვნული სააგენტოს ცნობით, მლეთა-გუდაურის და გუდაური(ფოსტა)–კობის მონაკვეთებზე ავტოტრანსპორტის მოძრაობა განხორციელდება გაუჩერებლად გავლის რეჟიმში, გუდაური(ფოსტა)–კობის მონაკვეთზე მხოლოდ ზვავდამცავი გვირაბების გავლით.მისაბმელიანი, ნახევრადმისაბმელიანი ავტოტრანსპორტის და M3 კატეგორიის (გააჩნია 8-ზე მეტი დასაჯდომი ადგილი (მძღოლის ადგილის გარდა) და აქვს 5 ტონაზე მეტი სრული მასა) მგზავრთა გადასაყვანად განკუთვნილი ავტოსატრანსპორტო საშუალებების მოძრაობა გვირაბებში, განხორციელდება ცალმხრივად.

1766738690

ალერგიული რინიტი ბავშვებში – როგორ დავეხმაროთ პატარებს?

ალერგიული რინიტი ბავშვებში საკმაოდ გავრცელებული პრობლემაა, რომლის იდენტიფიცირებაც მშობლებს ზოგჯერ უჭირთ და მის ნიშნებს უბრალო გაციებას მიაწერენ ხოლმე. არადა ზომების დროულად მიღება ბავშვების შემთხვევაში კიდევ უფრო მნიშვნელოვანია, რათა პატარებს არა მხოლოდ დისკომფორტი და შემაწუხებელი სიმპტომები მოვუხსნათ, არამედ თავიდან ავაცილოთ გართულებები.ფარმაცევტული კომპანია „სმარტფარმი“ წარმოგიდგენთ სტატიას, რომელშიც ვისაუბრებთ ალერგიული რინიტის ამოცნობისა და მკურნალობის გზებზე.რა არის ალერგიული რინიტი და რატომაა ის ბავშვებში გავრცელებული?ალერგიული რინიტი ცხვირის ლორწოვანი გარსის ანთებაა, რომელსაც სხვადასხვა ტიპის ალერგენები იწვევს. მათი ჩამონათვალი მრავალფეროვანია, მაგრამ მათ შორის ყველაზე გავრცელებულია:● სახლის მტვერი და ობი – მტვრის ნაწილაკები, პატარა მიკროორგანიზმები და ობი განსაკუთრებით ადვილად ხვდება ბავშვის ცხვირსა და თვალებში.● ცხოველების ბეწვი – ბავშვებს ხშირად აქვთ კონტაქტი როგორც შინაურ კატებთან და ძაღლებთან, ისე გარე სივრცეებში არსებულ სხვადასხვა ცხოველთან.● მცენარეული მტვერი – გაზაფხულსა და შემოდგომაზე ჰაერში მცენარეული მტვრის კონცენტრაცია საკმაოდ მაღალია, რის გამოც იზრდება ალერგიული რინიტის შემთხვევები.ამ გამღიზიანებლებთან კონტაქტისას ალერგიული რინიტი ბავშვებში შესაძლოა უფრო მარტივად განვითარდეს, რადგან პატარები, ჯერ კიდევ სუსტი იმუნიტეტის გამო, უფრო მგრძნობიარენი არიან მათ მიმართ.როგორ განვასხვაოთ ალერგიული რინიტი ჩვეულებრივი გაციებისგან?ბავშვისთვის შემაწუხებელი სიმპტომების მოსახსნელად, აუცილებელია მშობელმა იცოდეს რასთან აქვს საქმე – ალერგიულ რინიტთან თუ სასუნთქი გზების ინფექციებთან. ამიტომ ქვემოთ განვიხილავთ ნიშნებს, რომლებიც მათ დიფერენცირებაში დაგვეხმარება. მაშ ასე, ალერგიული რინიტისთვის დამახასიათებელი სიმპტომებია:● ნორმალური ტემპერატურა – რინიტი, სასუნთქი ინფექციებისგან განსხვავებით, როგორც წესი, სიცხეს არ იწვევს.● ცხვირიდან გამონადენი და ცრემლდენა დიდი ხნის განმავლობაში – გაციებისგან განსხვავებით, რომელიც ზოგჯერ რამდენიმე დღეში ქრება, ალერგიული რინიტის სიმპტომები შეიძლება კვირების განმავლობაში გაგრძელდეს.● თვალების ქავილი და ხშირი ფშვნეტა – ალერგიული რინიტის დროს ბავშვს ხშირად უჩნდება თვალების ფშვნეტის სურვილი, განსაკუთრებით თვალის კუთხეებში.● ცხვირთან ქავილის შეგრძნება – ქავილის შეგრძნება თავს იჩენს ცხვირთანაც.ამ სიმპტომების გარდა, მშობლებმა ყურადღება უნდა მიაქციონ ბავშვის ქცევის ცვლილებებსაც, ესენია:● ძილის დარღვევა – ღამით ხშირად გაღვიძება და ძილის დროს მძიმე სუნთქვა.● უმიზეზო მოწყენილობა ან გაღიზიანება – დღის განმავლობაში ბავშვს უჭირს კონცენტრაცია, კარგავს ინტერესს კლასში ან თამაშის დროს.● აქტივობებში ჩართულობის ნაკლებობა – შესაძლოა ბავშვი მოერიდოს ფიზიკურ აქტივობებს, რაც გაციების დროს უფრო იშვიათია.თუ შენიშნეთ ჩვენ მიერ ჩამოთვლილი სიმპტომები, რომლებიც დროთა განმავლობაში ძლიერდება და გრძელდება კვირაზე მეტ ხანს, აუცილებელია მიმართოთ პედიატრს ან ალერგოლოგს. ბავშვების შემთხვევაში პრობლემის დროულად ამოცნობა და შესაბამისი ზომების მიღება განსაკუთრებით მნიშვნელოვანია.პრაქტიკული რჩევები მშობლებისთვისალერგენების გავლენისა და მათგან გამოწვეული რეაქციის შემსუბუქება შესაძლებელია რამდენიმე მარტივი გზით, ესენია:● ოთახების რეგულარული დალაგება და ნივთების მტვრისგან გასუფთავება – ეს განსაკუთრებით ეხება ბავშვის საძინებელს, სადაც, როგორც წესი, პატარა უფრო დიდ დროს ატარებს. დალაგების დროს რეკომენდებულია მტვერსასრუტის გამოყენება და სველი წესით დალაგება, რათა მტვრის ნაწილაკები ჰაერში არ გაიფანტოს.● ცხოველებთან შეხების შემდეგ ხელების დაბანა და სახლის დასუფთავება – თუ სახლში გყავთ კატა ან ძაღლი, აუცილებელია მათი ბეწვის რეგულარული მოწესრიგება, მათთან კონტაქტის დროს კი – ბავშვისთვის ხელების დაბანა.● ფანჯრების დახურვა ალერგიების აქტიურ სეზონზე – როგორც აღვნიშნეთ, გაზაფხულსა და შემოდგომაზე ჰაერში მცენარეული მტვრის კონცენტრაცია იზრდება. ასეთ დროს რეკომენდებულია ფანჯრების დახურვა ან ჰაერის გამწმენდი მოწყობილობების გამოყენება. ჰაერის ფილტრები ხელს უწყობს ალერგენების შემცირებაას.● ტექსტილისა და სათამაშოების რეგულარული გარეცხვა – ალერგენების გასანადგურებლად რბილი სათამაშოები, საბნები, პირსახოცები და ფარდები ხშირად გარეცხეთ ცხელი წყლით.გარდა ამისა, ალერგიული რეაქციის სამართავად შეგიძლიათ გამოიყენოთ პრეპარატი კსივოზანი, რომელიც მეორე თაობის ანტიჰისტამინებს მიეკუთვნება და აქვს შედარებით ნაკლები სედატიური ეფექტი და გვერდითი მოვლენა.მიუხედავად ამისა, სასურველია, მედიკამენტის მოხმარებამდე გაიაროთ კონსულტაცია პედიატრთან ან ალერგოლოგთან.

1766580064

ხელისუფლების პოლიტიკა მკაფიოა და ორიენტირებულია მშვიდობაზე, სტაბილურობასა და ქვეყნის განვითარებაზე - სულხან თამაზაშვილი

 აჭარის მთავრობის თავმჯდომარის სულხან თამაზაშვილის ხელმძღვანელობით, წლის შემაჯამებელი მთავრობის სხდომა გაიმართა.სხდომაზე სულხან თამაზაშვილმა მთავრობის მიერ განხორციელებული საქმიანობის შედეგები შეაფასა.  მთავრობის თავმჯდომარემ აღნიშნა, რომ ხელისუფლების სტაბილურობაზე ორიენტირებული პოლიტიკით შესაძლებელი გახდა რეგიონის ეკონომიკის კიდევ უფრო განვითარება.,,ჩვენი ხელისუფლების პოლიტიკა არის მკაფიო და ორიენტირებულია მშვიდობაზე, სტაბილურობასა და ქვეყნის განვითარებაზე. სწორედ ამ სტაბილურობის ფონზე შესაძლებელი გახდა რეგიონის ეკონომიკური განვითარება. 2025 წელთან შედარებით ბიუჯეტი 10 პროცენტით გაიზარდა. ბიუჯეტის ზრდა გვაძლევს შესაძლებლობას, მეტი რესურსი მივმართოთ მოქალაქეებზე, რეგიონის განვითარებასა და პრიორიტეტულ სფეროებზე“ - განაცხადა სულხან თამაზაშვილმა.სხდომაზე განსაკუთრებული ყურადღება დაეთმო ტურიზმის მიმართულებას. სულხან თამაზაშვილის განცხადებით, მიმდინარე წელს ტურისტული ნაკადების ზრდა დაფიქსირდა და 9 თვის მონაცემებით აჭარაში დაახლოებით 4 მილიონი ვიზიტი განხორციელდა.,,ტურიზმის განვითარება და რეგიონის პოპულარიზაცია მთავრობის ერთ-ერთ უმთავრეს პრიორიტეტს წარმოადგენს. ამ მიმართულებით, მომდევნო წელს დაგეგმილია ახალი, ინოვაციური პროექტების განხორციელება, რათა რეგიონი ოთხივე სეზონზე იყოს ტურისტული მიზიდულობისა და ეკონომიკური აქტივობის ცენტრი“ - განაცხადა მთავრობის თავმჯდომარემ დღეს გამართულ აჭარის მთავრობის სხდომაზე.

1765269767

საქართველოს იუსტიციის მინისტრის მოადგილე გიორგი დგებუაძემ ჰააგის სისხლის სამართლის საერთაშორისო სასამართლოს წესდების (რომის სტატუტის) ხელშემკვრელ სახელმწიფოთა ასამბლეაში მიიღო მონაწილეობა

საქართველოს იუსტიციის მინისტრის მოადგილე გიორგი დგებუაძემ სისხლის სამართლის საერთაშორისო სასამართლოს (ICC) წესდების ხელშემკვრელ სახელმწიფოთა ასამბლეის (ASP) რიგით 24-ე სესიაში მიიღო მონაწილეობა, რომელიც ქალაქ ჰააგაში გაიმართა.ასამბლეა 1 დეკემბერს საზეიმო ღონისძიებით გახსნეს სისხლის სამართლის საერთაშორისო სასამართლოს პრეზიდენტმა - ტომოკო აკნემ და ხელშემკვრელ სახელმწიფოთა ასამბლეის პრეზიდენტმა - პეივი კაუკორანტამ.იუსტიციის მინისტრის მოადგილე გენერალური დებატების სესიაზე მოხსენებით წარსდგა. სიტყვით გამოსვლისას გიორგი დგებუაძემ დაადასტურა საქართველოს თანამშრომლობა სისხლის სამართლის საერთაშორისო სასამართლოსთან და ხაზი გაუსვა მის განსაკუთრებულ როლს საერთაშორისო დანაშაულებთან ბრძოლის მიმართულებით.იუსტიციის მინისტრის მოადგილემ ყურადღება გაამახვილა სისხლის სამართლის საერთაშორისო სასამართლოს მიერ 2008 წლის რუსეთ-საქართველოს ომის ფარგლებში ჩადენილი დანაშაულების გამოძიებასა და მასთან დაკავშირებულ სასამართლო გადაწყვეტილების აღსრულების საკითხებზე, აგრეთვე მსხვერპლთა ინტერესების დაცვის განსაკუთრებულ მნიშვნელობაზე.იუსტიციის მინისტრის მოადგილემ ასევე აღნიშნა ადამიანის უფლებათა ევროპული სასამართლოს (ECHR) გადაწყვეტილება საქართველო რუსეთის წინააღმდეგ (IV) ე.წ. განგრძობადი ოკუპაციის საქმეზე, სადაც სასამართლომ საქართველოს მთავრობის მიერ წარდგენილი პოზიცია გაიზიარა და შედეგად რუსეთის ფედერაციას საქართველოს დაზარალებული მოქალაქეების სასარგებლოდ კომპენსაციის გადახდის ვალდებულება დააკისრა.იუსტიციის მინისტრის მოადგილემ ასამბლეის ფარგლებში გამართა შეხვედრები რომის სტატუტის ხელშემკვრელ სახელმწიფოთა წარმომადგენლებთან, სისხლის სამართლის საერთაშორისო სასამართლოს მოსამართლეებთან, პროკურორებთან, აგრეთვე მონაწილეობა მიიღო სამართლებრივ დისკუსიებში სასამართლოს საქმიანობის საკითხებზე.

1764790861

VIDEO: რეალურად, რაც ბატონმა გეკა გელაძემ დააფიქსირა, ეს ასეც არის...“ - ლევან მაჭავარიანი

„რეალურად, რაც ბატონმა გეკა გელაძემ დააფიქსირა, ეს ასეც არის...“, - ამის შესახებ ფრაქცია „ქართული ოცნების“ თავმჯდომარის პირველმა მოადგილემ, ლევან მაჭავარიანმა გადაცემა „ვახო ხუზმიაშვილის თავისუფალ სივრცეში“ განაცხადა.