11 წლის ბიჭი, რომელიც ველოსიპედით გადაადგილდებოდა, ავარიას ემსხვერპლა - ტრაგედია ფოთში

პოლიცია

ფოთში, გურიის ქუჩაზე ავტოსაგზაო შემთხვევას 11 წლის ბიჭის სიცოცხლე ემსხვერპლა.

თვითმხილველთა ინფორმაციით, ბავშვს ავტომანქანა იმ დროს დაეჯახა, როცა ის ქუჩის გადაკვეთას ველოსიპედით ცდილობდა.

სასწრაფო-სამედიცინო დახმარების ბრიგადამ მოზარდი მრავლობითი დაზიანებებით ქალაქის ჰოსპიტალში გადაიყვნა, თუმცა მისი გადარჩენა ექიმებმა ვერ შეძლეს.

„11 წლის მოზარდი სიცოცხლისთვის შეუთავსებელი ტრავმებით იქნა კლინიკაში მოთავსებული, მას ჩაუტარდა რეანიმაციული ღონისძიებები თუმცა მისი სიცოცხლის გადარჩენა ვერ მოხერხდა“, - განაცხადა ჰოსპიტალის დირექტორმა თეა მიგინეიშილმა.

შემთხვევის ადგილზე მობილიზებული იყო საპატრულო პოლიცია. ფაქტზე შსს-მ გამოძიება დაიწყო.