რა უნდა გააკეთოთ, თუ მანქანა, რომელშიც იმყოფებით, წყალში იძირება - 5 მარტივი გზა

თუ ჩაძირულ მანქანაში აღმოჩნდებით და არ იცით რა გააკეთოთ, თქვენი ბუნებრივი რეაქცია სავარაუდოდ პანიკა იქნება. ეს არის ყველაზე ცუდი რამ, რაც შეგიძლიათ ამ დროს გააკეთოთ. იმ მომენტიდან, როდესაც თქვენი მანქანა წყალში ჩაძირვას დაიწყებს, თქვენ მოგიწევთ მნიშვნელოვანი გადაწყვეტილებების მიღება და მათი სწრაფად მიღება. 

აქ მოცემულია ხუთი ნაბიჯი, რომელიც უნდა დაიცვათ, თუ ჩაძირულ მანქანაში აღმოჩნდებით:

ნაბიჯი 1: იყავი მშვიდი

თუ თქვენი მანქანა წყალშია ჩაძირული, პანიკა მხოლოდ გააუარესებს თქვენს მდგომარეობას. ამის ნაცვლად, ყურადღება უნდა მიმართოთ გადარჩენისკენ. 

ჩაძირული მანქანების კვლევამ აჩვენა, რომ მანქანა, როგორც წესი, ცურავს 30-დან 120 წამამდე იქამდე, სანამ მთლიანად ჩაიძირება. ეს ნიშნავს, რომ თქვენი გაქცევა დამოკიდებული იქნება იმ ქმედებებზე, რომლებსაც გააკეთებთ პირველი ორი წუთის განმავლობაში, მას შემდეგ, რაც მანქანა წყალში მოხვდება. თუ ამ დროს პანიკაში ჩავარდებით, თქვენ დაკარგავთ საუკეთესო შესაძლებლობას, რომ გადარჩეთ.

ნაბიჯი 2: ჩამოწიეთ ყველა ფანჯარა

როგორც კი თქვენი მანქანა წყალში მოხვდება, ჩამოწიეთ ფანჯრები. ეს იქნება მანქანიდან გასვლის გზა მას შემდეგ, რაც ის ბოლომდე ჩაიძირება. ფანჯრები იქამდე უნდა ჩამოწიოთ, სანამ მანქანა ბოლომდე ჩაიძირება.

მექანიკური ფანჯრების ჩამოწევა ასევე უფრო რთული იქნება, რაც უფრო ღრმად ჩავა მანქანა წყალში. თუ მთლიანად ვერ ახერხებთ ფანჯრების ჩამოწევას, ჩაამტვრიეთ მინები მანქანაში რაღაცით. ნუ ეცდებით საქარე მინის გატეხვას. საქარე მინა არის ყველაზე სქელი მინა მანქანაში და ძალიან რთული იქნება მანქანის შიგნიდან გატეხვა.

ნაბიჯი 3: მოიხსენით უსაფრთხოების ღვედი

სწრაფად მოიხსენით ღვედი, რათა თავისუფლად შეძლოთ მანქანის შიგნით გადაადგილება. თუ თქვენი ბალთა გაიჭედა, შეეცადეთ მოიჭრათ უსაფრთხოების ღვედი, რათა განთავისუფლდეთ.

ნაბიჯი 4: დაეხმარეთ სხვა მგზავრებს

მას შემდეგ რაც შეძლებთ თავისუფლად გადაადგილებას მანქანაში, შეამოწმეთ გარშემომყოფები, განსაკუთრებით თუ მანქანაში ბავშვები არიან. გახსენით მანქანის ნებისმიერი სავარძელი, რომელიც ზღუდავს ბავშვს და დაეხმარეთ მათ უსაფრთხოების ღვედის შეხსნაში. დაავალეთ მათ, რომ გადავიდნენ მანქანიდან მათთან ყველაზე ახლოსმდებარე ფანჯრიდან ან გადმოვიდნენ წინა სავარძელზე, რათა თქვენთან ერთად გაიქცნენ მანქანიდან.

ნაბიჯი 5: გადადით ფანჯრიდან და გაცურეთ უსაფრთხოებისკენ

მას შემდეგ რაც აქამდე მიაღწევთ, ფანჯრიდან გასვლა ყველაზე ადვილი იქნება. თუ წყალი მანქანაში ბოლომდე შემოვიდა, არ დანებდნეთ და ყველანაირად ეცადეთ გახვიდეთ მანქანიდან.

მას შემდეგ რაც ფანჯარაში გადახვალთ, გაცურეთ ზედაპირზე. თუ წინა სავარძელზე პატარა ბავშვი გყავთ, გადასვით ფანჯრიდან და მიჰყევით მას, რათა ზედაპირზე ასვლაში დაეხმაროთ.